| |
|
| كلمة إدارة السوآر |
|
|||||||
| ۞ω☆ { الشعر و الشعرآء } ۞ω☆ منتدى الشعر والتراث الأدبي- القصائد النبطيه والفصحى هنا تضع جميع القصائد المنقولة الكتابية فقط للشعراء |
 |
|
|
أدوات الموضوع | انواع عرض الموضوع |
|
#1
02-18-2012, 08:54 PM
|
|||||||||
|
|||||||||
الأبـوآب
بغيت أرمي بعض حملي عجزت ألقى [ صديق ] إلا الرّصيف وبارد الإسفلت ! ركلت اللي صدف رجلي من احجار الطريق وقلت : ابي اقرا في الحصى سر ارتباكي لا لمست الضاحك / الباكي أنـا !!  حملني قبل لا اعرف الكتابه موجك الأزرق على متنه وقال ان البلل : فتنه وقالت لي : قبل حتى الـ " قبل " قاعك: تضيع ان كثروا اتباعك تغرد بالاغاني بالاغاني البيض ياشاعر : نجوم الليل : تفاح المسا وعيونك : ذراعك ! الملم حنطة غباري البّس لهجتي ما يستر العاري وأفك الباب : ب لا د ي والجهات الاربعة في غيبتك : ظلما وما بين الجهات الاربعة : ظلما ابي اتجهك معي : وجهك واول ما حفظت من [ الرّمل / والما ] واذا ما شابه المعنى عيوني عاذرك : خوني ولكن آه لو تدرين عن طعم الثواني في غيابك عن لهاث الضو في الشارع عن الفارع من الحزن الطري عن دفتري / عن جلسة المقهى بلا اصحاب ! تهجيتك [ ت هـ ج ي ت ك ] رفضت الممكن / الباهت : طريق وهذا انا : جيتك وناجيتك ، اذا ما اشتقت في الغربة قل الذكرى طحين الوقت واخبز من تبي قربه ! ب لا د ي يا مفاتيح الكلام البكر : جوعي لك / رجوعي لك مثل ما للنجوم : اسرارها مثل ما للهدوم : ازرارها مثل ما للهموم : اوزارها للمفردات الخارجه عن سلمها , والداخلة في حلمها زوارها قومي هو العشق احتمالات التطاول في البنا منح البنفسج فرصة الركض انعتاق اجسادنا / المفرق هو العاشق : جنونٍ يحفر فكبد السما من شان دفن الارض في الازرق ويا ازرق : يابعد وقرب يا لمحة في العيون الغرب يا سقف الكون يا لون اللون يا حبر اقلامنا المعجون بالفوضى , وطين العاقل المجنون يا ازرق : من اللي يعرف ان البحر : هين ؟ قال : من يغرق ! اشوفك ملح واتهجّا حروفك وادخل فـ ملجا كفوفك واغرقك وانجا واحبك واشبه الجامح ! احبك : واشبه الجامح لذا كان الصهيل : وسادة المعنى وكنتي : أوّل الاشكال مرَه فيها من التفاح ما يحني غصون القلب للموّال وكنتي : اخر الاشكال مرَه لكن : فرس ودلال وانا بين السما والقاع كنت اركض وامد من العيون : ذراع أزاوج بين نجم الليل والنعناع واهدي خطوتك خلخال أنا الشاعر بلادي أو أنا الأشياء ! ما تخفى وما تنقال أحبك واشبه الاطفال تحب وتشبه الاطفال وتغريد الكتابه [ بالرذاذ الطيب الدافي ] : بهذا ثرْثرت نسمه وهفْهفْ شال أحبك واشبه الجامح لذا كان الصهيل : وسادتي كانت عيونك : عادتي والمثقلات من الغصون قلادتي كانت اذا ماشابه المعنى : عيوني عاذرك خوني ولكن لا تظنين القصايد بالوفا خانت بلا د ي , آه لو تدرين : عن طعم الثواني في غيابك عن لهاث الضو في الشارع عن الفارع من الحزن الطري / عن دفتري ! عن جلسة المقهى بلا اصحاب عن الأشيا يقيدها ويطلقها [ الغريب ] وبعدها يسال عن الأسباب عن عيوني تصير : الرّمْث ويصير السهر : حطّاب ! عرفتي ليه انا المخطي وانا المعطي وانا المطلوب والطلاب عرفتي ليه انا كل الحضور فـ حفلة عيونك وانا الغيّاب عرفتي ليه انا الصادق إلى حد الذي سميت به : كذاب عرفتي ليه : انا اكره دفتري واغليه ؟ ليه اموته واحييه ؟ ليه اثبته وانفيه ؟ ليه اهدده واحميه ؟ ليه اعطيه واستجديه ؟ ليه اجلس في كلي خارجه واجلس في كلي فيه ؟ ليه ابدا الحزن وانهيه بـ اسمك او عرفتي ليه انا ارمي لهجتي : للملح والفتنه وارد الباب ! وحدك تفتحين الباب وحدك تطلعين النورس الغافي على صدري : سمك واعشاب !! ارتب لهجتي يا أجمل ضيوفي واهيّل قهوتي وتهيلين عتاب تصبين [ الدرايش ] في عيوني و [الرسايل ] و [ الجدايل ] و [ القبايل ] و [ القوايل ] والكلام الحلو والاحباب واضمك سالفة [ غوص ] قديم فـ بحة الشيّاب أضمّك شيطنة طفل ان ضحك : يجمع من غيومك أرانب وان بكى : ت ت ك س ر الألعاب أضمّك حبْل في [ حوش العشيش ] و [ ضرتين ] وهفهفات ثياب أضمّك: في الأغاني - لا ارتفع صوت الاغاني و [ الهوى غلاب ] أضمّك داخلي يا داخلي شنطة كتب فصل وطباشير وشغب طلاب أضمّك صالةٍ ضجّت بجمهورٍ غريبٍ وشاعرٍ مرتاب وتروحين ويظل العطر تروحين ويخون السطر لا [ الجهراء ] تجمّع رملها في راحة يديني ولا هذا هو [ المرقاب ] نعيق غراب نعيق غراب نعيق أ / غراب !! امد يديني ليديني بلادي واسالك ويني ؟ واصيح : اهواااك يكشر بينك وبيني : [ خميسٍ ] من جثث واسلاك ورق ينشر ورق يطوي شفاه من الظما تروى جسد يركض بلا جدوى ذراعٍ طيبه تلوى ! بنادق ترتفع مابين : طفلين وصحن حلوى أغاني والرصاص أقوى [ بلادك وين يا نجوى ؟ ] بلادك وين ؟ يا نجوى / بلادي وين ؟ نغني والرصاص أقوى من الاثنين لو تدرين لو تدرين لو تدرين عن طعم الثواني عن لظى الفرقا ؟ وكيف ليا غزاني في خميسك صرختي ترقى ؟ ابعْثر لهجتي في كل صبح وكل صبح القى : حروفي جامدة قهوة كلامي باردة نار الأغاني خامدة واشقى !! من اوّل يوم لفراقك إلى هاليوم ووحدك تفتحين الباب وحدك تطعمين النورس الغافي على صدري عتاب ولوم من اول يوم لفراقك الى هاليوم ووحدك تذبحين النوم هذاك اللي دماه تلطخ عيوني سهر ونجوم من اول يوم لفراقك الى هاليوم وانا اركض واتبع آثارك وامد من العيون ذراع واقطف من سماك : هموم من اول يوم لفراقك الى هاليوم وانا فوق الورق تحت الورق بين الورق مهزوم ! كتبت وما بخلت بجرح كتبت وما تنفس صبح عرق واشباح / ارق واشباح ورق واشباح / كفى ياديرتي برتاح من اول يوم لفراقك ولا خان الظلام ولا وفا مصباح من اول يوم لفراقك وانا اضمّد جراحك يا بلد بجراح من اول يوم لفراقك وحمل المفردات [ سفاح ] كفى برتاح كفى ياديرتي / ياسيرتي / ياحيرتي يا غيرتي برتاح خلاص ما عاد امدّ من العيون ذراع واقطف نجمة التفاح هي الفرقا : وما فينا الذي من فارقك ما يرفضه رفضه وما فينا الذي ما يلفظه لا من حكى لفظه وما فينا الذي ما ينهدم صبح ومسا بعضه على بعضه غبار ارواحنا يزداد ما نقدر على نفضه تبرينا من الاشياء تبرت مننا الاشياء تغيرنا كثير وكل قلب خان به نبضه هو الإنسان من اقصى حدود الدمع الى اقصى حدود الدمع لعبة في يد اللحظه وضاع الشعر كل الشعر في معنى : عجوز / ومفردة نبضه !! أبي أصرخ في البحر : تكفى يباس فشفتي وسكوت ولا ادري كيف تَبتشفى جروحي والجروح بيوت دخيل عيونك الا وفا ترفق بالتعب يا [ كوت ] في برد يشبه المنفى في ليل يشبه التابوت قليل من الحطب وادفا قليل من التعب واموت أردّ الباب دخيلك يا بلد لا تفتحين الباب والشاعر يغازل بالرذاذ الطيّب الدافي صباحه والمسا : يصفع جبين الشعر بالكبريت والفضة ! أبي أرمي من عيوني الناس والإحساس والأجراس والحراس والكناس والوسواس والخناس الفظ آخر الانفاس ارمي جثتي فوق السرير / الياس : لا شاعر ولا معنى ولا قرطاس نعاس نعاس نعاس نعاس نعاس ن ع ا س ن ح ا س ن ع ا س من اللي هناك ؟ من اللي هناك ؟ من اللي يرمي الشباك باحجار الحنين ويوقظ الفطنة ؟ انا القاع اللي قالت لك : تضيع ان كثروا اتباعك وانا البحر اللي شالك فوق متنه بلادي يا كثر ما ني مقصّر بالغلا وادري ولكن ما قويت الجرح تمنيتك تهجيتك وشبّيت المعاني منْ حطب صدري كتبت وما تنفس صبح من اول يوم لفراقك وانا اركض واتبع آثارك واركض واتبع آثارك واركض واتبع آثارك ولكنك وقفت ادري لأنّ الصمت عاجز يقتلك والشعر عاجز ياخذ بثارك ! أبي حرّيتي هذا الحكي من غابت عيونك : شبك وسياج غضب كرباج خذ عيون الهوى معراج تشبّه دايما بالجامح الطفل وتذكر حكمة الامواج ولا تهتم قصر ليل او طول وكون المستحيل المعطي الذاخر تقدم دايماً من أوّل الأوّل وخذ حلمك معاك لآخر الآخر تعلم كيف تقطف من بساتين الكلام الـ [ لآء ] وتصرخ [ لااا ] أحبك كثر ما احبك أحبك واكره الاملاء ! هو العشق احتمالات التطاول في البنا قبل الالف منح البنفسج فرصته للركض بعد الياء خذيني علميني من جديد استلهمك واستل / همك علميني كيف اغامر في البياض من الورق واعطي لصدرك فتنة الغامض من النابض من الاشياء خذيني علميني كيف اسوي من عصافير الطفولة : قاعدة والمدفع استثناء جراح الطيبين : القاعدة والمدفع استثناء عيون الطيبات : القاعدة والمدفع استثناء ! زمنا وان قسا بيلين وطنا وان قصا داني تعوّدنا نزف الطين عروس وصدرها حاني ووندخل فـ الكلام اثنين وننسى أيّنا الثاني ! لـ الـ كبير / الكثير / الشّاعر / المشَاعر ............................ [ فهد عافت ] 
|
العرض العادي
