ماكل من يركب على الخيل خيال...

ماكل من يركب على الخيل خيال
ولا كل خيل تعجبك هي أصيـله



ولا كل من يعجبك هرجه برجال
بعض العرب ملسون وايده بخيله



الكل يلبس ثوب وشماغ وعقال
وعند اللزوم افعالهم هي قليـله



الرجل تثبت له أقاويل بافعال
لاقال شئ ونفذه هو دلـيله



والرجل لاشفته مع القيل والقـــال
ابعد عنه هذا صفاته عليــله



والكذب خله عنك مافاد لو طال
قول الصدق ياصاح غنم وجميـله



وخلك شجاع وذي صفات للابطال
اللي كما سيوف تبارق سليـله



واللي شراك اشريه لو كان بالمال
خلك معه وان مــــــال دور بديله



واصبر ترى الدنيا تبدل بها أحوال
وما كل شئ صافي تشـــــوفه تجيله



وبعد الكدر تشرب صفا عذب وزلال
هذا الزمن فيه استــــقامه وميله



وصاحب خليل لو جفـا الوقت مامال
ترى الرجل يعرف بقيمة خليـله



واقفل على سرك بكتمان واقفال
بعض العرب يسمع و ينوي بحيله



وخلك أمين إذا توليت الأعمال
من خان في يوم الحشر يا حليله



خل التواضع فيك واضح بالافعال
ترى الكبر يردي بيوم وليـله



ولا تحسد اللي عنده اموال وعيال
وش ينفعك لو كان حـــسدك يزيله



ولا تزور تقلب الزين بطـال
الله عليم بالنوايا الدخـيله



وخلك رزين ترى المخفه للاطفال
واصفح عن المخـــــطي ولو زاد قيله



واحمل همومك لو تزن وزن آلآثقال
بكره تروح وتنجلي لو ثقـيله



وصل الفروض ولا تنسيك آلآشغال
محدن في الدنيـــــا درى وش بقي له



وزور آلآقارب للرحم كون وصـــــال
وخلك عظيم الشان وسط القـبيله



وصلاة ربي عد ماهل همـــــــــــــال
على النبي اللي صفـــــاته جليله

عليه افضل الصلاة واتم التسليم
صح لساان قايلها وسلمت يمين ناقلها
هواوي
يعطيك الف عاافيه اخوي
ربي يسعدك ويخليك
دمت بود

اميرة الخيال
نورتي متصحفي بمرور العطــــــر
يعطيك الف عافية
دمتي بصحة وعافية

اللهم صلي وسلم عليك يآرسول الله

سلمت يمنآك أخوي / هوآوي

على مآسطرتهـ ونقلتهـ من أبيآت رآئعه

هذه ذآئقتك الشعريهـ هي بحق جميله رآقت لي

لآعدمنآك أخوي ومنتظرين جديدك القآدم

بشـــؤق

حساس
اسعدني مرورك
نورت