منتديات حساس - خلاص خلك في حياتك ودنياك

خلاص خلك في حياتك ودنياك
أنا عرفت اشلون الملم جراحي

انسى زماني ووعدك بقدر أنساك
وبمحاك من دنياي نايم وصاحي

لا تغرك الدمعة ولا قلب ناداك
كمل نهارك لا تعود لصباحي

دامك لقيت اللي يحقق لك أمناك
مجنون لو ردتك دمعة نياحي

الله يسهل لك طريقك ويحماك
ويعين قلباً في ردى الحظ طاحي

لاتلتفت للي مضى عجل أخطاك
دامك سعيد أكيد هذا ارتياحي

لو في يديني حل مارخصت ذكراك
ولا بدت لك طيبتي مع سماحي

هذا الحقيقة وأنت خلك بممشاك
دام الأمل لك في سماء البعد لاحي

برحل وأنا حالف لك إني أبنساك
ومحاك من دنياي نايم وصاحي

يلي حياتي ضاعت بعدل دنياك
تقدر تقول اشلون الملم جراحي