منتديات حساس - كيفية عمل الأشكال بالألعاب النارية؟

http://www.muslmah.net/upload/upfiles/b1k69223.gif
كيفية عمل الأشكال بالألعاب النارية؟

http://www.kumailplus.com/wp-content...16_0710-lg.jpg

تشوف شكل نجمة ولا دائرة ولا مربع ولا قلب … كيف تصمم هكذا؟

مقدمة بسيطة

فن صناعة الألعاب النارية من الفنون القديمة التي نشأت في الصين
خلال القرن السابع الميلادي وكانوا يستخدمونهم لطرد الأرواح الشريرة
عن طريق صوتها العالي وهم كنوع من الصلاة لجلب السعادة والازدهار.
حتى يقولون استخدموهم في الحروب ضد الشعوب اللتي ما كانوا
يعرفوا عنها ويخوفوهم في صوتها.

استخدام الألعاب النارية كان محدود للشخصيات والمناسبات الملكية
لعدة قرون بس بعدين صارت عادة للمناسبات السعيدة بشكل عام،
الان نشوف اثر هالاعتقاد مع تزامن احتفالات الاعياد الوطنية بالكويت
هالأيام وكلامهم عن عرض الألعاب النارية اللي بيصير عاد سنتعلم كيف .

مع الزمن انتقل هالفن للدول الأوروبية وطوروا من تقنيته ونشروه عالمياً
حتى صارت مثل الاسطونات الصغيرة اللي نشوفها بالبقالة
أو سوق المباركية وسوق الجمعة عندنا.
إذا بدنا نجاوب على سؤال الموضوع لازم نعرف كيف يصنعوا الألعاب النارية بالأساس:

تقريباً كل الألعاب النارية الكبيرة اللي يستخدمونها بالاحتفالات الضخمة
يصنعونها يدوياً لي يومنا هذا،
العملية جدا دقيقة وحساسة ما يقدرون يخاطرون ويخلونها آلية
عشان لا ينفجر شي بالغلط ويدمر الدنيا http://www.kumailplus.com/wp-content...kml_wonder.gif.
مهما اختلف حجم أو شكل الألعاب النارية كلهم عباره عن اسطوانات
ملفوف مثل اللي تشوفونها بالصورة.
والاستعراض الواحد بحاجة الى آلاااااف من الاسطونات النارية.

http://www.kumailplus.com/wp-content...dow.false_.jpg

داخل الاسطوانات تشوفون هالشكل تحت،
فتيلة موصلة ببارود وداخله كرات أو طلقات نارية مليانة معادن
أو أملاح اللي تعطي ألوان مختلفة،
يحطونها مرتّبة على الشكل اللي يبونه يطلع لما تنفجر الطلقة،
مثل ما تشوفون على يمين الصورة صارت على شكل نجمة.
يعني السر كله بترتيب طلقات الألوان داخل الاسطوانة!

http://www.kumailplus.com/wp-content...dow.false_.jpg

http://www.kumailplus.com/wp-content...g-16366980.jpg
http://www.kumailplus.com/wp-content...03_0710-lg.jpg

في ايام زمان كنت تشعل فتايل الألعاب النارية الضخمة يدوياً وبس
تشتعل كانت الناس تركض لمسافة بعيدة http://www.kumailplus.com/wp-content...ns/kml_gaa.gif،
وكان في اصبات كثيرة وتصير حوادث.
هالأيام تطورت هالعملية وصاروا بس يرتبون الاسطونات
وبعدين إطلاقها يكون عن طريق الكمبيوتر عشان يتناغم مع صوت موسيقى .
هذي صورة العمال وهم يرتبون الألعاب النارية في النهر الشرقي
بنيويورك للاحتفال بعيد استقلالهم سنة 2000م.
http://www.kumailplus.com/wp-content...dow.false_.jpg

http://www.kumailplus.com/wp-content...sign_tech5.jpg

الصورة هذه عرض اعادة افتتاح معرض الفنون الحديثة بنيويورك سنة 2007
ويسمون هالشكل Transient Rainbow،
كلفهم العرض كله 140 ألف دولار أمريكي واستمر بس 32 ثانية!
http://www.kumailplus.com/wp-content...dow.false_.jpg

الرقم القياسي لأكبر عرض ناري تملكه دبي في افتتاحها لفندق أتلانتيس سنة 2008،
العرض استمر 8 دقايق ونص واستخدموا فيه خمسين موقع
و 97 اخصائي العاب نارية،،، كلّفهم 2.7 مليون دولار أمريكي.
http://www.kumailplus.com/wp-content...dow.false_.jpg

مقدمة بسيطة

ما هو “وصفة” الألعاب النارية؟
بشكل عام بارود وكربون عشان تنطلق الألعاب النارية،
وزيادة عليه يضيفون أملاح ومعادن لتغيير ألوان الانفجارات.

الألعاب النارية الصغيرة اللي نشتريها من المحلات
هذي مو أكثر من بارود وكربون عشان يعطي انفجار صغير.

ماذا يستخدمون بالضبط للألوان؟

طلقات الألوان اللي شفتوها فوق يحطون فيهم مواد مختلفة حق اللون المطلوب،
مثلاً:

يضعون أملاح الكالسيوم للون البرتقالي.

الألمنيوم للون الفضي أو الأبيض،
وهو اللي يحطونه بالأعواد اللي تشب وتعطي شعلة بيضه تطوّل.

الحديد يعطي شرارات وبريق والظاهر هم يحطونه بالأعواد مع الألمنيوم.

باريوم Barium حق اللون الأخضر
وهم يساعد على تثبيت توازن المواد المتطايرة بالطلقات.

سيزيوم Cesium يعطي لون أزرق نيلي.

نحاس يعطي لون أزرق مخوضر.

البوتاسيوم يعطي وهج بنفسجي على وردي.

الليثيوم للون الأحمر.

صوديوم للون الأصفر.
******
أتمنى إنكم عرفتوا الطريقه
تحيــــــــــآـآتي