شي خيالي لايفوتكم يالبنات خاصه

لما تجيك دعوة الى حضور حفل زفاف لاحد الأشخاص

فإن الحريم في المنزل يعانون حالة الطوارئ في اليوم الموعودفتلقاهم صافين طابور عند باب الحمام .. من أجل أخذ دش بارد

<<< لأنهم مؤمنات بالقاعدة الفيزيائية التي تقول
أن الأجسام تتقلص بفعل البرودة

************ *******

ثم يهبون الى غرفة العمليات فتحصلهم مايخلون مراية في حالها ..

** فتلقى وحده عند مراية التسريحة تتمكيج

** ووحده عند مراية الدولاب تركب عدساتها

** ووحده عند مراية المدخل حق البيت تستشور شعرها

** و وحده محتارة أي فستان تلبس

وكلما اختاروا لها فستان .. قالت : لا .. قد شافوه عليّ<<

** ووحده تترجى اخوها : تكفى ود فستاني للمغسلة وقول لهم يخلونه مستعجل

** ووحده متوهقة مالقت الحلق اللي يناسب لون فستانها

** ووحده تقول لأخوها : تكفى مر على جارتناوخذ من عندها الأكسسوار التفاحي

** و وحده .. انفرط سحاب فستانها .. وتبي الخياط يصلحه

<<< والله من السمنة الزايدة

************ *****

وصجة .. ولجة .. وحوسة ...

وكلهم في سباق مع الزمن ..

( طبعا ياعيني عالرجال .. ثوب وشماغ .. وانتهت السالفة )

************ ********* ********* ******

بعد ذلك .. يركبون السيارة بعد ما بح صوت ابوهم وهو يناديهم ..

** والمصيبة إذا اخذوا مسافة بالسيارة وجتك
ووحده دايم مضيعه
تشهق شهقة قوية .. ويقولون : اشفيييييك ؟؟؟ وترد عليهم : نسيت شنطتي تكفى يبه رجعنا للبيت

يااااااليييييييييل......
************ ********

وبعد عناء طويل يوصلون إلى القصر ويدخلون

************ ******

ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي ...مستعجله...

************ ********* *
ثم يتوافدون إلى المسرح وشف الرقص كيف

** اللي تحط رجلها من شرق المسرح إلى غربه ولا احد يدري وش بلاها

**********

** واللي تهز وهي واقفة مكانها بركادة << على بالها أنوثة ..

************ ******

وتعال شفهم اذا غنت الطقاقة .. ( يالتكسي) وقالت : وخذ يمين وبعد يمين ..

تلقا الحريم فعلاً ماخذين اللفة يمين في يمين

<<< طبعاً من غشامتهم .. يتصاقعون في بعض

************

والوحدة فيهم بتتشقق من الفرحه إذا جت الطقاقة بجنبها تلقين قلبها طربق طربق وقالت :
( يا أحمر يا أحمر .. عاشو .. على قلبي )

<< طبعاً الافندية فستانها احمر ..
رااااااايحه فيها محد قدها......
************ *****

** وتلقا ثنتين هناك يرقصون نفس رقص العراقيات
وطبعاً العجايز منصدمات .. ومافيه الا قوة دعاوي على هالبنات

************ **

** وإذا جت اغنية مصرية ..

تلقا الأغنية والأيقاع في وادي .. والرقص في وادي آخر إلا من رحم الله ..

<< واللي تعرف ترقص مصري .. تلقى البنات يتشحذونها تقوم وهي ترفض ..

طبعاً من حقها .. تخاف يصكونها بعين على كيفك
***********

والوناسة إذا قالت الطقاقة : ( رقصة خاصة لأهل العروس ) تلقاهم يستلجون إذا قالت : ( كل آل ' فلان ' خيّالة )

<<< وهم في الحقيقة .. لم يركبوا حصاناً قط ..

هههههههههههه