ارجع مدام القلب باقي يناديك

تعال قولي بس وشلون اجازيك
يعني تبيني صدق ابعد واخونك
مليت انا ياصاحبي من بلاويك
وياما تحملت العنا من جنونك
تجرح بقلبي وفــوق هــذا أداريك
واقول ياقلبي عسى الله بعــونك
عجزت لأرحل ياحبيبي وأخـليك
وعجزت أداوي في خفوقي طعونك
بعت الملى يادنيتي لجل اشريك
وأرفعك عن كل الخلايق واصونك
واهواك وأحبك وبالـروح افـديك
وان راح عمري يروح فدوةعيونك
ماعدت أفـكر غير وشلون الاقيك
ودي حياتي كلها وســط كــونك
واطير من فرحي اذا مر طـاريك
حتى الدقـــايق دايمآ يحــترونك
لا تسمع اللي في حبيبك يعــاديك
وش مصلحتهم غير بس يعذلونك
واسمع كلامي بس واعدل خطاويك
ولا تتبـع اللـي بضيقتك يتـركـونك
تدري بقـلبي مابه اللـي يســاويك
وتدري أحبــك فــوق اكــبر ظــنونك
أرجــع مــدام القلـــب باقي ينــاديك
حـــرام أعيش العمر لحظــــه بدونك

(( ممآ رآق لذآئقتي ))

سمو المشاعر

مما راق لك أكيد سيروق لغيرك

دمت بود,,,

سمــو المشـاعـر ،،

اللهـ عليك قصيده بقمهـ الروعهـ

ربي يسلمـ يمينك أنتقاء ولا أجمل

منتظرين جديدك بكل شوق ..

لك ودي ..

سمو المشاعر

اقتباس:

عجزت لأرحل ياحبيبي وأخـليك
وعجزت أداوي في خفوقي طعونك

تألقت . وحلقت بنا في سماء التميز بطرحك الرائع.

قصيدة جميلة عذبة تلامس الأحاسيس والمشاعر .



تحياتي

سمو المشآآعر صح لسآآن قآآيلهآآ وسلمت يمين نآآقلهآآ
انتقآآء رآآئع وذآآئقه مميزه ابيآآت رآآقت لي
يعطيك العآآفيه أخوي وبانتظآآر جديدك
دمت بسعآآده لآآ تنقطع