انتهينا في كلمتين

[IMG]

لعنبو قصة غرام كل أبوها "كلمتين"

ابتدينا عند أحبك وانتهينا عند " باي "

تونا مابعد مشينا في الهوى لوخطوتين

وانتهى الموضوع فجأه حتى مدري وش خطاي

انتهى الموضوع كذا بكل سهوله تحكمين

وين أحبك وين أريدك وين ساكن في حشاي

يمكن انك ماوفيتي يوم جيتي تعشقين

ويمكن انك تحسبين بتبعك من دون راي

ويمكن أصلا ماعشقتي بس كنتي تلعبين

ويمكن انك ماوصلتي في هواك لمستواي

ويمكن اني ماعرفتك في الحقيقه� وش تبين

ويمكن اني خنت نفسي يوم أعطيتك وفاي

علميني في الهوى ياجاهله وش تعرفين

تعرفين انك غديتي شي يجري في دماي

علميني في العطا والتضحيه وش تفهمين

لعنبو حبك عشانك تركت اقرب أقرباي

كنت أحطك في عيوني تسرحين وتمرحين

كنت أشيل هموم قلبك وأرمي همومي وراي

كنت اطير من السعاده يوم أشوفك تضحكين

كنت ذايب في هواك مثل سكر وسط ماي

كنت نايم في العسل وأرسم من الفرحه سنين

كنت اظنك قلب عاشق ماسكن وسطه سواي

ماوعيت إلا وأنتي في خفوقي تطعنين

ماوعيت الا وسيفك في الحشا رايح وجاي

ورده اي والله ورده بس عرفتي تجرحين

كل شي فيني جريح إلا فخامة كبرياي
ماتأثرت بغيابك وش يعني

دمعتين

بكره انسى صدقيني وأرجع بكامل

قوااااي

أدري ان احنا افترقنا بس ابفهم حاجتين ؟

علميني وش كسبتي وعلميني وش خطاي

اصلآ الموضوع كله ماتعدى

كلمتين !!

التقينا عند أحبك وافترقنا عند بااااي

كاتب خوآآطر

صح الله لســآنكـ واعتلآ شــآنكـ
ماشاء الله تبارك ـآللهـ

فن في نسج القصيد
وانتقاء مبهر في اختيار الكلمـآت

أهنئك على ذائقتك الرائعه
استمر في الكتـآبه فهنـآكـ من يترقّب جديدكـ
دمت لنـآ { شاعر مبدع