دكتور ما ظنيت تلقى علاجي

دكتور ما ظنيتتلقى علاجي
لو جبت كل الأدوية والتحاليل



لو فزت بالميه ولبست تاجي
والله لتبلش ما لقيت التفاصيل



علاجنا بيدين أبو عود عاجي
منه ترى دكتور شفت البهاذيل



والخد يادكتور ضوح السراجي
والعين شفنا منها الموت بيسيل



دكتور كن القلب يحمى بصاجي
في يد غشيم ودالهن بالمواويل



دكتور حالي مثل حال العواجي
يوم يتوجد تالي الليل من ويل



فرقاه عندي سببت لي إزعاجي
أتوق توقات الخفاف المهابيل



مخي ياباشا فيه شبه ارتجاجي
كني صغير ن يلعب بشاطي النيل



تدري عقب فرقاه مالي مزاجي
أجلس ولا نعذبك وتحط وتشيل



ماجيت يا باشا أدور علاجي
جيتك أدور وين قسم المخابيل


شعر
عنيزاوي حنون

صح لسانك وعلا شانك اخوي عنيزاوي
مشاء الله ابيات جميله
دمت بهذا التألق ودام تواجدك بيننا
تقبل مروري المتواضع ولك اعجابي ونجومي
و١٥٠ مشاركه وتقييم واصدق
احتراااااااماتي

اا

أبيآت مميزه

صح لسآنك شآعرنا المرموق
بآركـ الله فيك
تقديرنا

سلامة قلبك اخووي عنيزاوي

وان شاء الله تلاقي ابو عود عاجي
صح لسانك وعلا شانك

ابيات جزله

سلم القلب والقلم ودمت بهذا التألق

يعطيك العافية , ع روعة هالتواجد
أسعدني توواجدك بمتصفحي
تحياتي

بوح راقي واحساس باذخ
دام غيث لا يقل
ود وياسمين