يقولون القمر لا غاب يضويله على ديره..!

قصيدة لـ شآعر حمد آلسعيد
يقولون القمر لا غاب يضويله على ديره..!




الا يا قلب لاتشره عليه ولي متى غيره ؟
يغيب براحته خله يروح بعالم النسيان

كفاك تدور أعذار لغيابه فضها ســــــيره
تماديت لغلاه ومن تمادى بالغلا خسران

ابد مافيه بالدنيا بشر يستاهلك غــــيره
يغيب ولارجع ماكنك الا العاشق الولهان

انا ماقول لاماقول منت بشايف(ن) خيره
وانا ماني بقايل صاحبك وافي ولاخــــوان

يقولون القمر لاغاب يضويله على ديــره
وانا اقول الحبيب ان غاب يضويله على خلان

اجل شسباب هاالغيبه وابي شسباب تأخيره
وابي ليه الجفا ياقلب وانت بغيبته حيران

شهر واكثر ولاطرش عن غيابه معاذيره
ياليته لوتعذر بالظروف ولا يمه غلطان

تعبت ولاطراله يتصل قل علها خــيره
وش انت متعب (ن) حالك على واحد قليل احسان

يجي ميت وله لامن شكا وقته وتعزيزه
وإذا قفى على وجهه حبيبك " ناقة عريمان "

اقول انه موالف بشر خلاك تقزيره؟
واقول انك على هامش حياته مابقى لك شان

مع اللي ماله سبوق اتركه شف واحد(ن) غيره
وانا شوري عليك تلحًقه في سبعة الشيطان

ذبحك الطيب ياقلب تعذب من مقاديره
يعن كنك خفوقي خابرك ماتعرف النكران

تقاضى لعنبو جــد الغلا ماتنفع الذيره
ترى من لاتقاضى ياخفوقي هالزمن ينهان

حبيب(ن) ما صفى لك طع شوري بدل بغيره
وانا شوري عليك تلحقه في سبعة الشيطان




تحيأإـآـتي

ذبحك الطيب ياقلب تعذب من مقاديره
يعن كنك خفوقي خابرك ماتعرف النكران
حسآآآس
صح لسان قايلها وسلمت يمين ناقلها
لا يراودني شك في جماال ما تنقله لنا
ذاائقه شعريه فريده من نوعها
كلماات رااقت لي
يعطيك الف عاافيه اخوي
لا عدمنا جديدك
دمت بسعاده

حساااس
وفقت كثيـــــــــــــرا في هذا الانتقاء
ابيات راقت لي كثيرا
صح لسان قايلها وسلمت يمين ناقلها
دااامت نفاسك

صح لسان شاعرها المبدع حمد السعيد وسلمت يدينك أخوي

على إنتقائها وتسطيرها

ابيات جميله راقت لي

احترامــاتـــي


اا

حسآآس




صح لسان قايلها وسلمت يمين ناقلها


قصيده بمنتهى الرووعه




يعطيك العافية على الطرح الجميل



تقبل مروري المتواضع


تحياتي