..إن ما صبغتك بالبياض .. أنشهدٍ ماني ( مَره )

بكيت لك يا حظِّ من ( حَرّمَاْبِيْ ) !!
ولفضتني قـآيل : أنا ( حُرّ ) ؛( مَاْ بِيْ )!!
__________ أنا ( حُرّ ) ؛( مَاْ بِيْ )!!
__________ أنا ( حُرّ ) ؛( مَاْ بِيْ )!!

(حاله طواري )
بِـ حاجه لِـ إنعاشٍ رذاذي :

( إبره لهاتي ) ب ( قميص الحلق ) تغرزني
__________ وتعبث إيدين الذبول ب كبد ريحانه!!
يا لوعه الجدب !! لا من شح بي مزني !!
__________ أشحذ غمام الأُفق : لله يا إحسانه !!
ولا انسل سيف العطش وأقبل يبارزني
__________ يسوق ( حشد الرواء ) ل صوب أكفانه
خاب الرجا في زمانٍ زادني حزني !!
__________ أقبلت عطشى وبرحل عنه عطشانه !!

فَتّشتْ بـ جيوب الحكايا / مالقيت إلا الفقر

!! صمتٍ يزمجرني صخب ، وهدوء مثل الثرثره

!!أبذر عيون الغرس ( دفء) وما حصادي غير / قر

وأرتب (رفوف النسيم ) و (كفٍ نُودي ) ..تنثره

!!وأحكي لـ تفاصيل الشتاء / عن

!! عن ضحكه سنون ( الخريف ) بـ وجه طيحات / إثمره

!!عن لون يشرب من شحوب و (في تقاسيمي استقر )

عن ذنب وقتٍكم كفر بي ؟! و ما بخلت المغفره

!!عن صرخه الضيق لـ كلامٍِضجِّ يزقرني زقر

!! وما لقى غير السكوت اللي وداني فـ ( حُنجره )

سمعت (نقر النحس) ..يوم إنه على بابي نقر

يا دحرجه نحسي على ملعب حظوظي كالكُره

جاني (سفير أحزاني القشراء ).. تعاطى ثم عقر

يغرز بـ نبضات الرجا المُمحل / منايا خنجره

!!وتذوي ( رؤى زهري ) على سود الضفاف وتُحتقر

و تلمّح يلوح عكس المنظره !!

مستنسرٍ ) ياحزني اللي للشهامه / تفتقر

!! وتمشي وسط قلبي بمشيه غَلَّفتَّها / البختره

!!ويشيب في رأسي /صبا .. ولسان حالي له وقر

وأرقّع النزف بخيوطٍ من أسى ثم أستره

!!ونظراتي اللي دُوزنت بين ( الحمامه والصقر )

ترسل {شُعاع الغيم} لـ أجواء إشتعالٍ ممطره

ياليل : (نجمي ساطع) ولو كان لك نيه حقر

!! إن الظلام بيرتكب فجري وبرجع اسهره

!!أما أنت ياوجه الليالي السُمر !! يا وجه الفقر

إن ما صبغتك بالبياض .. أنشهدٍ ماني ( مَره )

!!واخترت (نحرك يالسماء) .. أبغى لسلسالي مقر

ما دام (صدر الأرض) ضوضاءه تضيق بمنبره !!

إستفاقه ح ـلم :

وأترجم ( نشوه الفرحه ) / ب زغروطه !!
__________ وأرفرف في سماء الأنغام .. ب ألحاني
وأتمتم للمساء : ( قصه و خربوطه )
__________ وأفزز بسمتي ، وأضحك على أحزاني ..
وأحرر داخلي ( فرحات ) مربوطه
__________ وأمرجح بالهواء .. يالله ما أحلاني !!
ويطلم ( واقعي) / أوجان مبسوطه !!
__________ وألاقي ( الملح ) لطّخ حُمره أوجاني !!

إستغراق :

ليــــه ؟؟
لا دق الندم بابي !!
وأربكت أهدابي !!
من بين كل الأصابع ...
عضيت ( إبهامي )
يمكن لأن الزمانِ ....
مُوغل ب الإبهامِ !!!!!!

مما تصفحت وراق لي