أزرعك...!!

أزرعك في تربة الخفاق يـا عمـري حـروف
.......................... لين أشوفك تنبت وأقرا حـروف اسمـي عليـك

وش عليك ان صاب شمسك يوم يا عمري كسوف
.......................... دام أنا وشوفي وفكري ونبـض خفاقـي بيديـك

في شراييني تمـد جـدذورك وتحيـا وتشـوف
.......................... كل ركن بداخله كاتب علـى جـداره { أبيـك }

من بعدت الله وكيلك في عيوني صرت أحـوف
.......................... صورتك وآغمـض عيونـي عليهـا وأرتجيـك

احتري شوفتك وأحزاني على صـدري وقـوف
.......................... كل حزن يصبـر الثانـي ويحلـف مـا يجيـك

أتحسس يا ريـاح البعـد مـن لاهبـك جـوف
.......................... أحتمي به عن سما فرقـاك وأرجـع وأحتميـك

والمصيبـه ماهـي بفرقـاك والفرقـا تـلـوف
.......................... خافقـي ولا غيابـك لا غـدى موتـي وشيـك

المصيبـه لا وفـت يـدي وخانتنـي الكتـوف
.......................... وصرت أدورني ولا ألقاني سوى فـي راحتيـك

أخنق العبره وأقول ان كـل مـا راح مخلـوف
.......................... وأثر ما خلف غيابـك غيـر صـورة ناظريـك

صرت ألملم لك ضلوعي يوم حرص ويوم خوف
.......................... لا تبـور التربـه اللـي ساكنتـهـا وجنتـيـك

وآتعلـق فـي أمـل لقيـاك وآمـد الكـفـوف
.......................... ولا تصافحها سوى قسوة غيابـك وأحتريـك

وأزرعـــــك

وأزرعــك

وأزرعك

في تربة الخفاق يـا عمـري طيـوف
لين أشوفك تنبت
وأقرى طيـوف اسمـك عليـك


لــِ / بدر اللآمي