|| مكتبه القصائد الصوتيه || بدون موسيقى+ صفاوه عالية+ إلقاء ناري ][

أميرة الخيـــــــآل..............]

سلمتِ أختي على روعة هذآ الطرح الرآئع كروعة وجمآل روحك

يثبت الموضوع

ويدمج معه أي موضوع من نفس النــوع حتى تكون مكتبه قصآئد متكآمله

لآعدمنآك ومنتظرين المزيــد من هذه الروآئع

فلك مني كل الود وعبير الورد بمآيليق بك

عبدالله البكر " التميمي"

أحيان

احيان احسن انى وسط خافقت دبت

واحيان اجى بالبال لو صرت فاضى

يا صاحبى ليه اكره الناس اذا غبت

واقول اخد قلبى معاك مانت راضى

كم ضاقت الدنيا على.. وتعدبت

وكم جيتلك قاضى وعودت قاضى

لانت الى قدرت حالى وقربت

وللا نت الى خليتنى لاافتراضى

داخل عليك ان شفتنى ليلة السبت

خليك عن الوجه الشحوب والتغاضى

ولا تسال شلونى ترانى تقلبت

حتى بياض الوجه ماهو بياضى

لا تلوم كم شفت ناس وتغربت

وكم دست باحساسى ديار وارضى

وان كان حسيت انك بوصلك ادنبت

فالله ولا حب شقوقه اعرضى

وان سالوك اهل الشماته وجاوبت

قول سيرته ما يسمعها غيرواضى

بغيب احبك واذكرك وانت لا غبت

غيب بسلامه رب العباد راضى

أسآمينا

اغرب افكاري

بــرد السـفــر !!

ليت نار المحبة .. بالمحانـي تشـب

دام حزني نسيـم .. وذكرياتـي جمـر

وليت كل الخلايق لا تمـادت .. تحـب

كان شفت المساء ساجد سجود الشكـر

وليت نور المدينـة مـا درى وإكتـأب

وما طفى .. يوم قرب موعدك يالسفـر

كن الأيـام طفلـة .. تستحـق العتـب

تركض ولا درت باللـي وقـف منقهـر

غابت من السماء شمس .. وبدا ينكتب

عالصدر .. وش كثر حبيتها .. وش كثر

داخل القلب بنـت ٍ .. غارقـة بـالأدب

ما تساوت مـع باقـي بنـات البشـر

طيبـة .. ماتعـرف إن المحبـة تعـب

ناعمة .. ما تعرف إن الغصن ينكسـر

تلمس الأرض .. تتحول مناجـم ذهـب

تدعي الغيم .. يحضر في يديها البحـر

تبتسم .. تضحـك الدنيـا بليـا سبـب

كنهـا مابغـت تلقـى وسيعـة صـدر

غيـرت طعـم هالدنيـا بطعـم العنـب

صار كل الكلام اللـي تقولـه .. عِبـر

كل الأسماء .. وكل ما سمّي و ما إنكتب

زخرفه .. لإسمها الجالس بعرش السطر

كنت أحبه وأحب الماء وأحب السحـب

وصرت احبه وأحب إسمه وأحب السهر

لي متى ..والزمن قاسي وطبعه صعب

لي متى .. والفراق أردى رفيق ٍ حضر

لي متى .. أنتظر ريح التلاقـي تهـب

وتنقشع غيمة الغيبة .. وبـرد السفـر

برد ثاني

تلاحقني ذنوبي ,,

تلاحقنـي ذنوبـي فـي طريـق العمـر

ولا آعـرف السنيـن اللـي بتبقالـي !!

يدينـي غارقـة بأشيـاء غيـر الحبـر

وأبأكتب .. عل يبقى لـي صـدر خالـي

كأن الأرض تحتي من لضاها .. جمـر !

عجزت أوقف أشوف شصار في حالـي

وأنا .. عبد ٍ ضعيف إحتاج يبكي .. كثـر

هواجيـس الغيـاب لصاحـب ٍ غالـي !

ولا اجمل من حنين القلب .. غير الصبـر

يعيشنـي " أمـل " لـو مـا تهيـالـي

يحاصرني الشتاء .. وأرجي بصيص الفجر

أبطرد وحدتـي .. وأبقـى مـع ظلالـي

تذكرت الحنين .. وفاض صدري شعـر !!

تفقـدت المكـان .. إلا أنــا لحـالـي

بقى عندي " قلم " .. بيني وبينـه شبـر

وأنا عم المسافـة وقـت يطـرى لـي !

تجر إيدي قصيدة .. ليـن بـاب السطـر

وأنا أوراقـي قصـور ٍ صرحهـا عالـي

وأهيجن .. بالزمان الممتلـي بالطهـر

وأسمّـع صوتـي المبحـوح .. عذالـي

على .. من ودعتني .. وإتركت لي عطر !

أشمّـه لا طـرى موتـي علـى بالـي

قصايدنا الاخيره

من وثق بالهبايب.. يطلق الطير

الفضاء.. ياسع الطرقي وطيره

ما يزيد الحمول.. الا المشاوير

يا عسى سكة الغالي قصيرة!

ضاق صدري عليه بحزة عصير

قلت يا الله عسى بالأمر خيرة

من سمع للنسايم والعصافير

ذاق طعم الحياة ومات غيرة

كن نبض الخفوق إبل مغاتير

هيجن البال وتساوى مسيره

ضاع كل الكلام وما بقى غير

مقطع من »قصايدنا الاخيرة «

كان عندي سواليف ومعاذير

خفت أسولف.. ويسمعني هجيره!

لو يهز المحاني يبشر بخير

بإتساقط مشاريه كثيرة

ليت عيني تخف من التعابير

دام دمعي عجز يحيي ضميره

وإن نسى اني احبه خير يا طير

مات قلب وحيا عشرين غيره

قد نشف ريقي البارح وانا اسير

وادعى بالعطش والماء ببيره

يا هبوب الشمال احلامي تطير

وانتي اللي نقل ريحة عبيره

ما نبت في وسط صدري نواوير

لأجل ابوح بسواليف السريرة

رفقة الهم رفقة نافخ الكير

لا حضر ذاقت ضلوعي سعيره

لا تخليت بكره وش يبي يصير

قلت ربي عسى يعطيه خيره

جاء لقلبي وهو شيخ الغنادير

وإنتهينا !

قوية جدا

والزمن يضحك علينا

لا بكينا !

والوداع اللي دريت إنه نصيبي ..

ياحبيبي ..

مو بيدينا !!

ماعلينا ..

أدري ظروفك قوية ياحبيبي .

يا حبيبي .

يا حبيبي .

وأكثر اللي بأفقده كلمة حبيبي !!

كانت شفاهك

تهجاها علي كنها قصيدة

مب جديدة

بس مامرت علينا

الغدير

مصدر هدير الماء .. نشف

الزفير ..

صوتي وأنا أتنفس .. وقف

وضاعت أنفاسي مابين الريح واللي صار فينا

صرت قاسي

صرت أصب أحلامي الحلوة بكاسي ..

وأكسره !

صرت أخاف أتذكره

وقبل ميلاد الظروف اللي احصلت لك

بعت ناسي !

صرت مثلك

صرت قاسي !

ما أحس برقة القمرا وهي تضوي جبينك

أو أحس برقة القمرا ولا أدري إنت وينك !

ياحبيبي .

ظنك الدنيا تنسينا بعضنا !

لك معي بأكثر تفاصيلي ملامح

إمسح أبياتي من الدنيا

وأنا والله مسامح !

يتبع

حسآآس
تسلم اخوي ربي يخليك
فكره حلوه واشكرك على الاهتمام
ربي يعافيك ويسلمك ويسعدك
أسعدني تواجدك

فلاح السبيعي

اضحكي
إضحكي ماتشبهين إلا المرايا = وإن طلبتي حلف والله ثم والله
إنك أجمل من عرفته فالبرايا = وإنك أغلا من مشى في الكون كله
وإنك اللي ضحكتك عطر وهدايا = من يضيع بدريها محدٍ يدله
صوتك لحاله مسوي بي سوايا = بحته تقطع قلوبٍ مسفهله
كل ماظنيتي إنك بالحنايا = إفرحي يابنت ظنك في محله
إيه أحبك والغلا كانه خطايا = الخطا هذا ترى مانيب أمله
وإن طلبتي شي كلي لك فدايا = خاطرك يسوى الطلب دقه وجله
خاطرك هذا ذبجني بالعطايا = كل ماقلتي عشانه قلت يله

http://www.4shared.com/file/87166428...ified=2054aef2

الجوهرة

الجوهره لعيونها يرقى الشعر فوق السنام .. من فكر انه يشتهر يكتب الشعر لعيونها...
حتى يعرف ان الشعر ماهو مثل كل الكلام ... حتى يعرف ان الشعر بالضبط هو{مجنونها}..
"عيونها" بلحالها تحكيلك انواع الغرام .. "عيونها" قصة غرامي والشقا مضمونها...
من تلتفتله?? يعتبر نفسه على صدره وسام ... ومن تلتفتله?? بالغلا ماله مجال يخونها..
ومن تلمحه!!!! يسهر لياليه الشقيه ماينام .. ماتعرفه ولكن يموت بحبها وطعونها...
قولوا لها مااقدر اوصلها غير السلام ... اخاف اوصل رغبة في البال تقصر دونها.

http://www.4shared.com/file/87166503...ified=2054aef2

العذر

مره زعلت وعذرها مقدر أنساه = زعلت وأرضتني وأنا في مكاني
على طريقتها العذر ماله أشباه = على طريقتها العذر شي ثاني
ضحكه وحاجه ثانيه تشبه الأه = منها الزعل ماعاد ياخذ ثواني
مافكرت في عذرها وين تلقاه = عرف نفوذ عيونها في المحاني
قلبي وهو قلبي إليا جابت أقصاه = راح وذكرها من وراي ونساني
يكفي كلام عيونها كل ماأقراه = يهدي لكل الناس في شكل أغاني
في عينها الفارس ورمحه وشلفاه = وفي صوتها المبحوح شي ٍ خذاني
وإليا تبسم ثغرها لذت بحماه = تضحك ويضحك في عيوني زماني
وإن سولفت قام الغلا يسحب خطاه = حتى سوالفها بعد شي ثاني

http://www.4shared.com/file/87166349...ified=2054aef2

القصايد ..!
تطلبين أكتب قصيدة في جمالك .. بسألك لولاك وش معنى القصيدة ؟
من عرفتك والقصايد كلها لك .. شاعرك مايكتب لغيرك جديدة
بس أرتب قافها ثم تنهدا لك .. الفريد من العرب يهدي الفريده
شاعرك مهما عن عيونك حكالك .. ماقدر يعطيك كل اللي يريده
القصيد وكاتبه كله حلالك .. مايزيدك شي زينك هو يزيدك
القصايد ماتجيب أقصى جمالك .. كل شيء فيك يستاهل قصيده

http://www.4shared.com/file/87166246...ified=2054aef2

سافر

سافر أمس ولا نشدني عن حنيني ... كن ما بيني ولا بينه ميانه
معه أمانة قلبي وضحكة سنيني ...علموه يرد لو بعض الامانة
علموه ان الغلا بينه وبيني ... ماتغيركل شي في مكانه
يمكن انسى كل شي صار فيني ... بس كيف انسى تغليه وحنانه
ليته يفكر ولو مره يجيني ... والله ان ياخذ زماني مع زمانه
هو عشانه بس خفاقي وعيني ... حتى انا كلي على بعضي عشانه

http://www.4shared.com/file/87166154...ified=2054aef2

محتاجلك

محتاجلك ماهي مثل كل مره .. هالمره أكبر من سهر ليل وأحساس
ياللي غيابك عن عيوني مضره .. عندي حظورك فرحة مالها قياس
قلب ملكته صار لك فيه جـره .. يغار منها كل من مر عســـــــاس
وأنا رضيت الجرح خيره وشره .. بعض الجروح بهالزمن ترفع الرأس
طول زماني مابين برده وحره .. وأنا أنتظر من يمك يهب نسنـــــاس
خل العتب وأن كان قصدك تشره .. آمر وأحطك في دجى الليل نبراس
بهديك قلب صار حـــبك مقره .. مليت توزيع المشـــاعرعلى الناس

http://www.4shared.com/file/87166078...ified=2054aef2

يتبع

فهد المساعد

أسمعك

اسمعك يالليي تناديني يابو قلب خلي
بس انا ماني خلي القلب لجل اسكت واجيـــك
الخلي ماهوب قلب من هيامك ممتلي
الخلي قلب ادمي شافك ولا هام فيـــك
انت زعلان لجفاي ومادريت ان زعلي
يوم قلبك مايبيني قد ماقلبي يبيــك
حتى لو عيت همومك في غيابي تنجلي
كل هذا مايساوي لهفتي يوم احتريـــك
وان كان ماصدقت هرجي طيب اسمع مايلي:
ياحبيبي ياعسى ربـــــي يحفظــك ويهديــك
جايز انك في غيابي تقلب الدنيــــا علي
بس انا من قبل اعرفك قالب الدنيـــا عليـــك

ماقول غير انت لامن حطـوا وشالـوا
تعـوذ برحمـه الله مــن اساميـهـم
وذكرهم ان الاعمار ان طالت وطالـوا
الخالـد الذكـر والا المـوت قافيهـم
اما انت ياقلب لو صالوا بـك وجالـوا
خلك مثل ماانت لاتشره علـى ايديهـم
الناس مـن خلقـت الدنيـا ومازالـوا
عيـال رجّـال لكـن فيهـم وفيـهـم
وذولاك من عرض ناس ٍ مالي ان مالوا
الا اني اسكت ,, واقول : الله يجازيهم

شكواي لـ(اللي) عليه الضيق وإفراجه
اللي إذا شاء..يرحمني ويرزقني
أما أنت يا أبو جبين عقد حجاجه
لا عاد تسأل "علامك ما أنت طايقني؟"
الناس كل على دربه ومنهاجه
وأنا عن الناس ما به شي يفرقني
ألا أني دايم أحب الصدق وأواجه
مخلوق..والله على هـ(الوضع) خالقني
حتى رفيقي ضماد القلب وعلاجه
على كثر ما أتمسك فيه..صدقني
لو أدري أنه مرافقني على حاجة
لــ(أمسّكه" حاجته..وأقول"فارقني"

واذكر اني رحت قبل ابـدي لـك ايّـة اعتـذار
رحت حتى قبل اطيّـب خاطـرك فـي كلمتيـن
لكن انتي عارفتني زيـن واللـي صـار صـار
سامحينـي واذكرينـي قـدّ ماانتـي تقـدريـن
اذكريني لاانتهـت للشمـس رحلـه مـع نهـار
واذكرينـي لاصحـى للصبـح ورد الياسمـيـن
واذكريني لا لمحتـي فـي ليالـي البـرد نـار
واذكريني لا سمعتـي للمطـر صـوت ٍ حزيـن
اذكرينـي واذكرينـي واذكرينـي .. بأختصـار..
اذكري حبيبــكـ قـدّ ماانتـي تقدريـن

اللي تركني وأنا في عـز غربالـي
بعد الشدايد وش اللي ذكـره فينـي
يبغى زماني يعود ويرجـع الغالـي
وشلون يرجع بعد ماطاح من عيني
لا الوقت وقته ولا له شي في بالـي
أنا نسيتـه مثـل ماكـان ناسينـي
أنا تمنيت نظره منـه فـي حالـي
ياما تمنيـت صوتـه لـو ينادينـي
قولوا له إني ما أحبه كثر ترحالـي
أو لا .. حرام يتضايق وإلا يبكيني؟؟
قولوا له إني أحبه .. بس من تالـي
إن راح وإلا رجع ماعـاد يعنينـي

جا يشوف الحال كيفه بعد ماهزه حنينه
قبل يسألني سألته كيف حالك يالحبيب؟
قال أنا كني غريب ضيع دروب المدينة
قلت أنا كني مدينه تنتظر رجعة غريب.
قال أجل وش فيك تلعن سيرة الحب وسنينه؟
قلت أنا وشلون ما العن سيرته دامك تغيب
أنت لا من غبت حتى مرايتك صارت حزينه
كيف ما تبغاني أحزن وانت لي حظ ونصيب

خذني افحضنك ابغفى يااااهـ مبطي ماغفيت
وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت
إضحك وعلّم زماني من على ومن وين جيت
طقّ باب الحزن واصرخ فيّ لامني فتحت
وضمّني يمك وكمّل ضحكتك لامن بكيت
ودّي اذكر كيف كانت ضحكتي لامن فرحت

صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي

ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك

قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بـس انتبـه .. لا تسافـر قبـل مااشوفـك

نويت دمر الزمان إلي نوا دمري
بايعك يا طيبتي شاريك يا طيبي
و الدانه إلي أتغنج كنها القمري
أمنتكم بلغوها يا مناديبي
لا عاد تشفق على نخلي ولا تمري
ولا عاد تشره على قل ترحيبي
إن كان ربي عطاها لونها الخمري
الله بنفسي معوضني فقر جيبي
أمنتكم بلغوها تحتري جمري
إن كان ما فاد معها حسن تهذيبي
إن عشت والله لمشيها تحت أمري
وأحس فيها تعذب كثر تعذيبي
هذريت فيها ثلاث سنين من عمري
وإن قالها الله لخليها تهذريبي

ياكثر ما اغرقت نفسي فـي بحـور اوهامهـا
وياكثر ماضعـت بيـن أوهامهـا وهمومهـا
مـا جـداي إلا احلـم انـي واقـفٍ قدامهـا
وأتخيلـهـا تعاتبـنـي .. وأروح ألومـهـا
يانديم الجـرح .. خلّـك مـن علـوم أيامهـا
مابقى فـي القلـب رغبـه يلتفـت لعلومهـا
والرسالـه ردّهـا للـي زمنـهـا ضامـهـا
وقلها كلمـه .. وتفهمهـا حسـب مفهومهـا
والله أن أقـص كفـي قبـل .. أدق ارقامهـا
والله أن اشيل قلبي .. قبـل أشيـل همومهـا

[ أمـسـيـة ]

&

محمد جار الله السهلي

اسبوع

اصعب سؤال

خيانه احبابي

راحه كفوف

يتبع في وقت آخر

[هيبة ملك]

[rainbow]أميــــرة الخيال[/rainbow]

يسلموووو ع ابدااااااااع
الله يعطيك العافيه ...