اللي لقاءهـا صعيـب مثـل فرقاهـا..

اللي لقاءهـا صعيـب مثـل فرقاهـا

حطت غلاها يميـن القلـب وايسـاره

في حكمها النفـس تأمرهـا وتنهاهـا

وتمون وسط الخفوق وتأخـذ اسـراره

ياليت من حطها في العيـن واخفاهـا

ويشوف فيها طريـق ً هـي تختـاره

أوليت عمر ً مضالـي كـان واياهـا

والباقي اللـي يجـي معهـا بمقـداره

وانـي تحملـت معهـا كـل ماجاهـا

واسكنتها في فـؤاد ً تجـري انهـاره

اللي عذابي يزيـد ان سمـع شكواهـا

يوم ابتلاها الزمان الشيـن واشـراره

من همسها ماجت اضلوعي من اقصاها

ترجف تقول ان فيها صـوت طيـاره

اغالـط النفـس ساعـة ودي انساهـا

وارجع على ودها واسـرح بتذكـاره

لا رحت عنها مشيت شـوي والقاهـا

واثر انـي أعـود والرجليـن مـراره

يأمـن تطـل البشايـر مـع محياهـا

اليا اقبلت كل خطـوة ترسـل ابشـاره

كن المعاريف خصلـه مـن سجاياهـا

تعاملت به وجاء راس مـال وتجـاره

وكن القصيد ان وصف يوصف مزاياها

لـو انهـم يقصـدون الغيـر شعـاره

وكن الغلاء بيـن يسراهـا و يمناهـا

وأمست توزع علـى الدنيـا بقطـاره

وكن العزاوي نهار الحـرب طرياهـا

يوم ً كلا ً يـدور فـي اللقـاء ثـاره

عزوة كراما ً جميع النـاس تخشاهـا

اهل صحون النـدى وسيـوف بتـاره

وكن الخجل همسة ً تضفي على فاهـا

بنغم ً سرى مع هزيع الليـل باوتـاره

اليا هرجت من خجلها تفـرك ايداهـا

من خوف تظهر كلاماً ماتبـي اظهـاره

حتى لو الكبد ضميانـة علـى ماهـا

ادرا على حبها واصبـر علـى نـاره

واخشى عليهـا وعيـن الله ترعاهـا

حيث انها في مقام الاخـت والجـاره

اتمنى ان تنال اعجابكم
تحياتي
..

تسلم الآيادي على روعة هذه الابيات رآقت لي كثيرآ
صح لسآن شاعرهـا
هواووي
يعطيك العافية
ودي

هـــــوآوي ..

يعطيك العافيه أبيات رآئعه وجميله
سلمت يمينك أختيار رآقي منك ..~