زعلك لا من تمادى فيك يذبحني

الله يسامحك والله لا يسامحني
إن قلت غير الحقيقه لا سألتيني
زعلك لا من تمادى فيك يذبحني
وشلون اجل وانتي بشكك طعنتيني
دمعك وهو دمع لامن طاح يجرحني
والله كنّه يقطّع في شراييني
ماهي غريبه يبين الحزن في لحني
تمرني آهتين وتشتعل فيني
لا من زعل قلبك وعيّا يصالحني
ومن غربتي قمت أسألني : انا ويني!!
واللي يكدّرك لايمكن يفرّحني
والا عساها توّقف فيني سنيني
حبك هو اللي ليا من ضقت يمنحني
أجمل شعورٍ يرتب لي عناويني
مادام طيفك يمسيّني يصبّحني
اسألك بالله توّك ما عرفتيني ؟؟
انا حبيبك ولو كذّبت يفضحني
صدقي وعشقي وشوقٍ ما يخليني
طيفك وانا في مكاني ما يبارحني
والله مرات من نومي يصحيني
يكتبني الشوق والدمعات تمسحني
والمشكله ما اذكر انك قد ظلمتيني
الله يسامحك والله لا يسامحني
ان قلت غير الحقيقه لا سألتيني

أبيآت في منتهى الرؤعه
فصح لسآن شآعرها .. وسلمت يمينك ع نقلها وإختيآرها
تقديري

::

شعر مميز صح لسان قايلها
وسلمتي ميرو
على الاختيار
بانتظار الجديد القادم دمتي بوود

اختيار مميز
يعطيك العافية لجهودك
دمت بخير

ابيات جميله
يعطيكي العافيه ميرو على انتقاءها
تقبلي مروري المتواضع ولكي
احترااااااااماتي

اا

انتقاء جميل

ونص عذب

كل الشكرر لك

ووودي

سلمت يداك على الطرح الطيب
يعطيك ربي العآفيه
لك خالص احترامي