متسول العاطفة حب التملك المرضي{ العلكه الاصقه }للنقاش بقلمي

شلونكم؟وشلون السنه الجديدة معاكم ؟ ان شاء الله وضعكم تمام التمام بسم الله الرحمن الرحيم ندخل دغري بالموضوع اليوم ناوية نتكلم عن فِئَة معينه سواء صدافناهم بالواقع او بعالم المنتديات اوببرامج التواصل او حتى بالالعاب اون لاين اشخاص يطلق عليهم العلكه الاصقه او متسولين العاطفه كلنا اكيد مرينا بتجارب ومواقف ل اشخاص نفس هالعينه عندهم حب التملك المرضي بنتكلم عن طبعهم وتصرفاتهم واريد رأيكم وهل ومريتوا بهالتجربة او لا وكيف تصرفتم .. خذوالكم كاسة شاي لان السالفة طويلة حبتين من 2010 - 2019 كان احداثها .. يعني من زمان .. لما كنت بالمنتديات -كان عمري يمكن 18 سنة بنت مراهقة بس حريصة كل الحرص على نفسها ومالها بالخرابيط عيبها مدمنة مدمنة بالمنتديات كان جد شغوفة بشي اسمة منتدى فكنت اسجل باغالب المنتديات في الا يتقفل وفي الا استمر من شدة حبي للمنتديات كان معنا احد الاعضاء الا قرر يفتح منتدى لنا وكان جد حريص انو مايتقفل وفتح الموقع وكنت عضوة عادية لحتى صرت ادارية فيه .. كنت ماسكة الموقع مع 6 ادارين .. وكان جد ناجح والزوار 10 الاف كنا ننزل فعاليت + مواضيع + مكان شي ممنوع بالموقع ابد كل شي متوفر ونسمع للاعضاء وطلباتهم .. لحتى دخلت معنا عضوة مراح اذكر اسمها .. كان سبب للتغير الاعضاء وتغير المنتدى .. للاسوء طبعا .. متابعتنا من 2013 متخيلين كان سريعة بالردود ولا مرة نزلت موضوع واحد فقط ترد كلنا مانعرف عنهاشي غير انها من ٢٠١٣ كان مسجلة متابعه لكل مواضيعي تحديدا طبعا كان كل تواصلنا بالمنتدى فقط لعب ومواضيع والامور تمام .. الا اني لاحظت تعلقها الشديد فيني انو اغيب احيان كنت بالايام بسبب فصل النت زمان كان شحن ويخلص ومن ادخل القى منها رسايل عتب وكلام طويل ماكنت ارد على اي شي يوصلني … المهم مع الايام عرفتني عل نفسها واني سبب لتواجدها بالمنتدى بالبداية استغربت وبالاخر اعطيتها طناش لحتى وصلتني منها رسالة كان عبارة انا اعزك يافلانة ابي ارسلك هدية وابغى طريقة اتواصل فيها معاك .. رديت عاليها انو مااقبل هديا من الغريب وانو انا مااعرفها الا بالمنتدى ردت فعلها صدمتني عصبت زعلت وطلعت من الموقع .. رجعت بعد ايام تتعتذر وانو كان مضايقة وكذا فعذرتها وحاولت اقلل تواصلي معها .. حسيت هالانسانه مو تمام كنت حابه اطلعها من الا هيا فيه لعل وعسى اصلحها وكذا دام اني اقدر اثر عليها .. وقتها اعطيتها حسابي bb بدا تواصلنا خارج سور المنتدى عرفت عنها اشياء واجد اغلبها كان عن اهلها واخوانها وهالامور العادية .. الا ان تطرقت معها لموضوع حساس يخصها فقط ابغى اعرف ليش هيا كذا .. ايش مشاكلها الا تخليها بالطبع .. طبعا كنت ناصحة لها فقط هيا سمعت مني وقررت تتغير الشي الا مااعرفوا عنها انها كان من شدة مو متعلقة تحكي عني عند احد اصحابها متخيلين كان فلانة كذا وكذا وللعلم ماتعرف عني الا القليل والحمد الله مكنت اعطيها تفاصيل عني الا القليل جد كنت حريصة منها .. مرت السنوات وكنا اصدقاء وصداقتنا لا بس فيها .. وصلنا لمرحلت ليش رفضتي هديتي طبعا وقتها اعطيتها الزبدة انو معليش ماابي اجرحك بس مااقدر اقبل من الغريب شي قالت تمام سئلتها وش الهدية الا كان بتهديني كان موديم شبكة ههه السبب غيابي عنها قالت ماابي تغيبي ثانية عني قلت والسبب وقتها اعترفت بحبها لي .. عاد انا استفهمات ؟؟ مااستوعبت الهرج الين بعدين قلت والمطلوب مني قالت ولا شي ابي حسك بدنيتي فقط .. قلت لها انا مو من النوع الا يتواجد على طول اتوقعي اني اختفي من حياتك في اي يوم .. قالت مايضر المهم اني تعرفت عليك .. وكنا جد علاقتنا صداقة ولا تتعدى هالحدود .. بسنة 2014 بدات البنت تتغير وتطلب امور مني صعب اني اتنازل وارضيها فيها كنت دايمة الرفض - كان تقول انتي ماحبيتني قلت حبيتك كاصديقة كااخت لي مو مثل الا ببالك ابد طبعا كان مريضة متقلبة جدا كان علاقتها متعبة دايم مشاكل من لا شي كرهتني بالمنتديات كان تنزل موااضيع عني مواضيع مكانها الزبالة الله يكرمكم كنت ادخل واستغرب من هالمواضيع عرفت وقتها انها متعلقة التعلق المرضي قلت لها يابنت الناس لا تضرني ولا اضرك زي ماتعرفنا نرجع اغراب وانتي الله يصلحك ويهديك .. بوقتها سبتني سبت بنات السعودية كلهم سبت المنتدى وقالت كلام بنات شوارع والله مااينقال انا بلكتها من bb وتم حضرها بالمنتدى وكان الادارين يتوسطون لها وترجع بس ماكنت احتك او اتكلم معها ابداا لحتى 2016 قالت انا بتزوج يافلانة وابي منك السماح لو اذيتك باي شكل من الاشكال قلت لها مسموحه والله يستر عليك وغابت سنتين .. بعد سنتين رجعت ودخلت بس للاسف الشديد كان لا اسلوبها ولا كلامها .. الا كان داخل بعضويتها صحبها كان شخص مريض جد كان يسمع عني منها .. واتعلق فيني انا كنت متاكدة مليون بالمية انها مش نفس البنت الا كنت اعرفها .. وصلني منه رسالة كيفك يافلانة وش اخبارك ليش متعبة نفسك بالمنتدى للان بعرض عليك طلب ويارب توافقين فقلت له نزل اقتراحك للادارة .. قال لا العرض لك انتي فقط كلمت الادارين وقتها قالوا اسعي منه واحنا معاك لا تخافين .. المهم قلت ارسل بالمنتدى قال لا ابي رقمك لان الموضوع بيخصك هنا خفت كثير قلت طيب استشرت اخوي قال عادي اعطيها وشوفي وش تبي .. المهم اعطيتها .. الرقم تواصلنا واتس وقتها كان اقتراحوا انو ادفع لك راتب 3 الاف بكل اسبوعين تخيلوا المقابل وش تنزلين مواضيع ولكن المواضيع ابيها بقسم مخفي نعم ليش وش هي هالمواضيع قال بعدين تعرفين قلت لا قول قال بعدين واصر ماايقول محتوى المواضيع .. المهم تواصلت مع الادارة ووافقوا وفتحوا القسم على بالنا كلنا انو بيشارك هو بالقسم لنتفاجاء انو طالب مني تحديداا انزل المواضيع ومو اي موواضيع كان مواضيع +18 طبعا رفضت رفض قاطع وقلت له ماابي لا فلوسك ولا اي شي منك والقسم مرفوض .. قال انتي انسانة رافضة للنعمة الا بتجيك مني قلت له توكل على الله وحضرته .. 2020 راسلني من رقم ثاني .. اعترف فيه انو فلانة الفلانية كان تحكي عني عنده وانو جدا تعلق وحبني وقال كنت ابي افيدك بفلوس وانتي رفضتي وكذا قلت له انت انسان مريض نفس فلانه الفلانية ومايشرفني اتعرف عليكم .. وحضرته وللان يرسلي من ارقام غريبه ويقول كلام كثير ماينقال .. متسول عاطفيا كرهته جداا تصرفي معاه طبعا احضر ولا اخذ واعطي مع هالاشكل كان تجربه وهالتحربه علمتني الكثير اعضاء حساس شاركونا تجاربكم هالناس اللي تتعلق بك وتريد غصب انك تحبهم علشان تتحكم بك على كيفهم وشو اللي يخليهم يتصرفون بهالطريقه؟وكيف راح تتصرف معهم؟ اتمنى انه الفكرة وصلت لكم واريد انكم تشاركونا

العسل قلبي معجب بهذا

سلمت يداك على روعة الطرح
وسلم لنا ذوقك الراقي على جمال الاختيار
لك ولحضورك الجميل كل الشكر والتقدير
اسأل الباري لك سعادة دائمة

♣♪ Amal معجب بهذا