يستحي منها الخجل

كـنها من بعض نضرات العتب

وكـنها للشوق يلهبها انتظار


كم تمنت عينها ضم الهدب

وارتبك من جفنها راعي الوقار


يستحي منها الخجل سيد الأدب

يرتخي لظلالها كـنه ستار


بالمعادن ماقدر نقش الذهب

يحتويها خاتم وعقد وسوار


ياسرايا الكون ياقصور العجب

ياعمار الي قضا عمره دمار


شف فؤادي ماقد بيوم انغلب

ماقدر أحدٍ يعمر فيه دار


ادعيت انك تبي عذر وسبب

مادريت انك خلصت من الحصار


ياعقيد الحرب لك طاعه وجب

التهاني جتك قبل الانتصار


انكسرت وكاس حبي انسكب

وماعرفت بيوم معنى الانكسار


المـشـاعر والـمـراجل والحسب

راحت أصداها مثل هب الغبار


اشهد انك زدت بالنار الحطب

أحرقت يباس قلبي والخضار


من جنوب الارض تتعدا حلب

ومن غروب الشمس لعيون الصغار


ماهقيت ان وصفها قبل أنكتب

منية الي قد تغزل بالشقار

الســـاهر
يعطيك الف عافية على هذا الجهد المميز
ابيات راقت لي كثيــــرا

السآآآهر
يسلموو ع هيك ذوووق
روووعه ابيات رااقت لي
يعطيك ربي الف عاافيه
لا عدمنا تواجدك الراقي
دمت بسعاده