اهداء لكل مدخن ....

(((ماهي رجوله مسكتك السيجاره )))

يا أنت ياللي تمسك الموت بيديك
ما هي رجولة مسكتك للسجاره

ذاك الزفيراللي يودعك بيجيك
في شهقة.‘ن‘ تحمل معاها غباره

تولع الدخان حتــــــــــى يطفيك
وبيني و بينك في سلوكك نعاره

تضر نفسك و مجالسينك و أهليك
و يكفي على ( الباكيت ) تقرا عباره

تحذير صحي : المرض منه يأتيك
و كانك تريد الموت خذها بجداره

و يا بنت مسكتك المعسل تخليك
شينه و تبعد بك عن أرض الطهاره

و إن كان ربي حط بحشاك غاليك
مات و تسمم قبل يطلع لداره

و الله ما تلقى بن آدم يواسيك
لا صار ( للكنسر ) في صدرك إماره

لا تحسب علاج الاطبه يداويك
أقلع قبل لا تذوق طعم المراره

تشفط سجاره و المنادي يناديك
و في باب بيت الله تطفي السجاره

شيء.‘ن‘ بنعلك تدعسه دوم .. وشفيك ؟!
ياآبن الذين ذا دليل القذاره

و ما دام ما ترضى أحد يوم يأذيك
لا تأذي مصلي خشوعه شعاره

بستة ريال تبيع نفسك لشاريك
الهندي اللي كل همه تجاره

و لا شح عندك تسأل الناس تعطيك
تتوسله يأذيك .. هذي شطاره ؟

!من قال لك شرب السجاير يسليك
بيزيد همك هم و يقيد ناره

ما تدري إنه نار في الصدر تكويك
و كم شايب.‘ن‘ في الناس تذهب وقاره

إما ردعك اللي يقوله محاكيك
أرجع لنفسك و أحسب الآمر تاره

و ياالتاجر اللي منك ضاعت مباديك
ربحك من الدخان ذنب و خساره

يا أخي أمتثل للحق في أمر باريك
درب الهدى وش له تغير مساره..

يعطـــيك العافـــيـه

موفق بإذن الله ... لك مني أجمل تحية .

الجـــوكر
اسعدتني مشاركتك
يعطيك العافية

صح لسان قايلها وسلمت يمين ناقلها
هواوي
يعطيك الف عاافيه اخوي
واسأل الله الهدايه للمدخنين والمدخنات
دمت بود

اميرة الخيال
نورتي متصحفي بمرورك العطــــــر
يعطيك الف عافية
دمتي بصحة وعافية

هوآوي..اا

يعطيك العآإفيهـ أخوي على مآإنتقيتهـ وسطرتهـ هُنآ بمتصفحك

أبيآت هآدفهـ

فصح لسآن قآيلهـآـآ وسلمت يمين نآقلهـآـآ

كل الود وعبير الورد لروحك

حسااس
اسعدني مرورك
نورت