صدفه

	أول لقانا صدفه بالمطار صدفة وجمعتنا بصالة الانتظار" كانت وجهتي نحو الديار‼ وفجأة (اعلان) تعلن الخطوط الجوية....... تأجيل الرحلة الى آخرالنهار؟ ضاق خاطري ورحت لآخرالصالة ابي كرسي وابدأ الانتظار‼ جلست شايل بخاطري" وفجأة صوت(وش فيك وش اللي صار)؟ التفت للسائل جنبي يسااار ياشيخ ماعاد فيني صبر مليت القعدة بالمطار قالت : اسمي ...... قلت: اعذريني قاطعتني‼ وشو له الاعتذار؟ قلت : انا ....... ممكن اطلبلك شي؟ قالت: لوضروري اثنين شاي وواحد فشار ورحت اجيبة ومستعجب وش ذي النشبة وش ذا النهار؟ وجيبته وجلست وخطف عقلي نور العيون تحت الخمار‼ وبدت علي الرعشة خجل وحاولت ابدا بالحوار‼ تفضلي سمي اللي طلبتي على فكرة على وين المسار؟ ردت علي وقالت : مالي خيار؟ وانت؟ قلت: حنيت للديار؟ قالت : هو باقي للحنين في قلوب الناس مقداار؟ قلت: اللي اعرفة انه باقي بالناس اخيار قالت: خل عنك الكلام وخذ لك شوية فشار قلت يابنت الناس : قولي علميني عن الاخبار؟ قالت: وش الفايدة لوقلت اللي يدينه بالما مومثل اللي يحترق بالنار؟ قلت : ارجوك خبريني واكشفي الاسرار قالت: كنت احبه‼ وهو لاهي؟ ومازلت احبه‼ وهو ولا داري؟ قلت: غدار؟ قالت: ولايعرف الغش ولا مكار بس مايدري بمن حولة؟ مايعرف الحب ؟معقوله؟ والا صاحب قلب جبار؟ يحيرك بافعاله‼ طيب بسيط سهل القرار كل الناس في عيونة بمقدار طبعة بطيبته ما يحيرك الخيار‼ قلت: صدقيني لودرى باللي تقولينه مايخليك تغادري ارض المطار اغااادر؟ ليه من قال لك اني جيت مساافرة؟ انا جيت اتبعة نفسي اخذه لحظني واودعة‼ قلت: ياحظه الباسم بانبهار قالت: لي وليه الانبهار؟ قلت: اسمحيلي اقول اني لو مكانه ماتركتك بك الطيبه وكل الرقه والعيون اللي كل العيون منها تغار والا الحنان اللي فيك فاض بكل الانهار اسمحيلي لوقلت انك احييتي فيني الخواطر والافكار وان الحب اللي سكن قلبك يكتب نثر وينظم اشعار اسمحيلي عرفتي الحين بعض اسباب الانبهار؟ قالت : كفاية لا تزيد بضلوعي شبة النار‼ قلت: لويرضيك اطفي بدمي النار‼ فالت كفاية ارجوك قلت لا انا اللي ارجوك علميه صارحبه كم له في حياتك قيمة ومقدار قالت: اخاف من لحظة الموقف وخايفة صعب القرار قلت: لا تخافي قول لي من هو؟ وان اللي باعلمه كل الاخبار وفجأه حاوطتني ايديها على كفوفي مثل قطعة اسوار حسيت بخوف وشفت بعينها الانكسار وش فيك هدي شوي ليه الدموع ؟ واهمس اسمها تكفين كفاك دموع يا....... آ ر قالت: ارجوك لا تسرع بالقرار انت هو يا........ انت حبي واخر المشوار هلت دموعي وقلت : تعالي ناخذ من دون العيون اقرب ستاار ما ادري هو دموع الحزن لحالتك والادموع الفرح ما ادري؟ واللي عرفته اني رميت كلي بحضنها طايرمن الفرحة وقلت : انت لي كل الوطن وانت لي اغلى الديار وقامت تمسح دموعي واناظرها وتقول لي: كفاية اعلنو الرحلة من دقايق بالمطار‼ قلت : وانا وش علي؟ غيرت وجهتي ماسمعتيني يوم قلت : انتي الوطن وانتي الديار؟ يالله نمشي باخذشنطتي ونكمل من هنا المشوار‼