لاعادها الله ساعة شفتها فيك.

...................ولاعادها الله ساعةً كنـت وياك
يالعنبو غيرك منول مصافيـك
..............وأفرح ليا جابو لي النـاس طريـاك
وأفز لاشفتك وأصّوت وأناديك
.....................وأحط يمناي الكريمـه بيمـناك
واليوم أشوفك مختلف في مباديك
...................ياكثر ماتزعـل وماكثر خطاياك
ماأخطيت في حقك عسى الله يخلـك
...............دايم وقلبي لك على كيـف ممشاك
كله عشان أسعدك وأقـدر أراضيك
...........وأشغلت بالي كيف أدور على رضاك
خذيت قلبي وش بقى عاد وأعطيك
................ماعاد باقي غيـر روحـي وتفـداك
هذي ثلاث سنين صابر وأجاريك
....................يالعنبـو قلـبً حداني وجـاراك
بالله قلي ياشقى الروح وشفيك
......................وراك عنـي مبعـداتً مطاياك
يعني عشان الله من المال معطيك
.................ولاّ عشانه بأحسـن الخلـق سواك
لابـد دورات الليالي تصحـيك
..................وتعلمـك يابنـت ماكـان يخـفـاك
أقـول جعـل الله بخيـره يمسـيك
............ويسعد مساء عوداً على الكبر ربـاك
تدرين روحي جعل ربـي يجازيـك
..................والله يصبرني علـى حـر فرقـاك

صح لسآن شآعرها وسلمت أيىدي نآقلتها
إختيآر رآئع

تقديرنا

::

نورتني حساس ،

شعر مميز صح لسان قايلها
وسلمتي ميرو
على الاختيار
بانتظار الجديد القادم دمتي بوود