إحتيــاج

\/

يـــوم هـــبّ الـوقــت وأعـمـانــي عـجـاجــه
الــفــرج عــيّــا .. وأنــــا بـالـصـبـر راهـــــي


ويـــوم مـــال وطــــال مـيـلــه وأعـوجـاجــه
رحـــت أدوّر شـــــي ٍ يـــشـــد إنـتـبــاهــي


وشـفــت زولــك مـقـبــل ٍ مــثــل إنـفـراجــه
كــنّــه الـلــي جــايـــبٍ عـــزّي و جــاهـــي


يــــاه يـاضـيــقــات صــــدري وإبـتــهــاجــه
تذكـر آخـر مـرة ٍ شفتـك ..مـتـى هــي !!


صـاحــبــك مـن يـومــهــا زاد إحـتـيــاجــه
وأمـتـطـى ظـهــر الـمـصـايـب والـدواهــي


سـولــف اللـيـلـه علـى قـلـبــي و نــاجــه
مـن بقـى لي غـيـرك أفـخـر بــه وأبـاهـي


يـابــعــد مــن كــــدّر غـيــابــي مــزاجـــه
ويـابـعـد مـن مـــرّت حـروفــه شـفـاهــي


رغــم حـيــرة قـلـبــك ورغــم إنـزعــاجــه
الـزمـن .. مـاغـيّـر احـسـاسـه تـجـاهــي


ورغـم وحـشـة بـعـدك وقـسـوة سـيـاجـه
كــل حـاجــه فـيـك ظلّــت مـثـل مــاهــي


الـخـجـل فـــي وجــهــك أول مـن تــواجــه
والـبــراءه فـي عـيـونــك وأنــت ســاهــي


وبسـمـتـك لامـــن بـغـيـت تـقـول حــاجــه
وغـيـرتـك لاشـفــت كـنّــي عـنــك لاهـــي


قبـل أشـوفـك .. والـزمـن عـاقـد حجـاجـه
أسأله : وش فيك ؟! وألقى العذر واهي


ويــوم شفـتـك قـلـت لـلـوقـت وعـجـاجـه
هـيـه يـاللـي في طـعـونـك كـنـت راهــي


أنــت لــو غــيّــرت فـيـنــا ألــف حـاجــه
الـقـلــوب الـبـيـض تـبقـى مـثـل مـاهـي

\/

مما راق لي


للشاعر فهد المساعد

رائــــــــــــــــــــــ ــــــــــع ياتركي
وصح لسانك ولسان الشاعر

تركي
صح لسان قايلها وسلمت يمين ناقلها
انتقاء رائع من شخص متذوق للشعر
فانتقاءك بالتأكيد سيروق للجميع بدون استثناء
يعطيك الف عاافيه اخوي
بانتظار جدييدك بكل شوق
دمت بسعاده

•!i¦[تــركــــي]¦i!•

سلمت وسلم بنآنك يالغآلي..ذآئقه شعريهـ رآئعه من شخص قد إعتنق التميز

وتربع على كرسي أمآرة الشعر

إنتقآء في غآية الروعه والجمآل .. أبيآت رآقت لي كثيرآً

دمت أخي متميزآً رآقي بكل مآتطرحه لآعدمنآك

ومنتظرين منك الآجمل والآروع