لو هو يحبك ما تجرّأ يخونك .!

[ALIGN=CENTER][TABLE1="width:95%;background-color:silver;border:5px double gray;"][CELL="filter:;"][ALIGN=center]

ما راح من عمر التعب ما يكفّيك
ما هزّتك طيحة هقاويك .. دونك .~

يا " باعث " قبور الحزن في محانيك
لو ما رجعت لـ دفنها .. يدفنونك

هذا الحزن لو ماانتهى بك بينهيك
خاوى تفاصيلك .. وعوّد بدونك .~

شف شيبك اللي من همومك عثا فيك
وكيف التجاعيد اعْبثت في جفونك

جسمك تهاوى من عناك وتعنّيك
ونبرات صوتك غالبتها شجونك .~

لأْنك تنفّست الشقا في مساريك
شف كيف صدرك مختنق من طعونك .!

بعت المنام لعين من نام ناسيك
حتى غدى ليل السهارى زبونك

لا تنتظر من خانك إنّه يواسيك
لو هو يحبك ما تجرّأ يخونك .!

قلبك تعلّق في مخاليق تشقيك
ونسيت حب الخالق اللي يصونك

الناس في عونك .، إذا الحظ يعطيك
وان شحّ حظك قالوا : الله بعونك .!

ارقى عن أسباب الزعل لا تخليك
عبد لهمومك كل ما يزعّلونك .~

دنياك حلوه .. لو تلفّت حواليك
تلقى من بعاد البشر ينصفونك

لو شفتها بعين الرضا هي تراضيك
ولو بالكدر .، ما خالفتك بظنونك

افرد جناحين الفرح فوق ماضيك
حلّق عن الذكرى ومن يجرحونك

غيّر من الواقع إذا كان عاصيك
جدّد من الأحلام .. مارس جنونك .~

ازرع فيافي الصدر بـ اخضر طواريك
الكون كلّه ساعة رضاك .. كونك

الليل تسهر مع نجومه .. تناجيك
وتبادر طيور الصباح بلحونك

بثّ الجمال بكل رسم لمعانيك
خلّ الطبيعه تاخذ إحساس لونك

خذ من خطاك اللي يصحّح خطاويك
لاتشيل ما لا تستطيعه متونك .~

وان ضقت أو ضاق الزمن ارفع ايديك
لك رب ما يخذْلك .. لو يخذلونك .

رآقت لــِ / معآنيهآ..

[/ALIGN][/CELL][/TABLE1][/ALIGN]

سطور راقت لي كما راقت لكـ
لا تحرمينا من جديدكـ المميز
يسلمووو عشووقة على الانتقاء الجميل

ودي لكـ

هلا بك غريب07
ربي يسلمك يالغلا
اشكرك على المرور الجميل
حيــأكـ .~

لو شفتها بعين الرضا هي تراضيك
ولو بالكدر .، ما خالفتك بظنونك


ابيات رائعه وجميله
غاليتي
ابدعتي بنتقاءك
وجميل احساسك
لاتحرمينا جديدك

ودي

اسعدني مرورك وليف الهم
لا تحرمنا من جمال طلتك
دمت بخييير

راقت لي
دمت متالقه

هلا بك عشوووقه
نوورتي

رآقت لي حيييلآآت
سلمتِ عَ طرح








\

هلا بك حبيبتي نوورتي
ربي يسلمكي .~