يا ليت كل الرجال مثل " مطلق " .. قصة روعة اعتبرو يا بنات

وما قصر "مطلق" طقه طق لين ما صار دمه يملى المكان خذاني بسرعة ورجعـني للديره..
رحت لأهلي وقلت لهم وش صار وثار الغضب فيهم وقالوا من يرجع نبي نطلقك منه
من بكره رجع " أحمد" للديره وحاول يرجعـني بس ما قدر رفض يطلقني وأهلي يحاولون فيه بس كان معند__

--------------------


وفي يوم مشئوم.. طلعنا أنا والوالد بالسيارة نبي نروح للمحكمة نبي نرفع قضية طلاق ..
إلا تفاجأنا بـ " أحمد" ورانا بسيارة وكان مسرع ورانا ،، أبوي خاف وأسرع وهو إلا يحده يبي يوقفه__
بس أبوي خاف ولف السيارة وانقلبت فينا ! !
..............................


~~ صحيت بالمستشفى على صوت الأجهزة وكنت كلي أجهزة دخلت علي الممرضة وسألتها عن أبوي..
قالت أنه بخير .. دخلواعلي أمي وأخواني وكانوا يبكون .. طمنوني على أبوي أنه بخير سألوا الطبيبة عن حالي..
وقالت الحمد لله لقينا كلية مطابقة لكليتك ..!
فهمت منها أن كلاي ما عـاد تشتغـل وأني ضليت ثلاث أيام في غيبوبة وقاعدين يدورون عن كلية مطابقة لي لين جاهم واحد متبرع..
سوو العـملية على طول لأنهم خايفين على حالتي
الحمد لله نجحت العـملية بسلام و صحيت ألا أهلي كلهم عندي و"ياسر"ركض وقفز على فراشي وضمني..
يا الله خفت أني ما اشوفه ! ! !


بصراحة كنت مستغربة ليش "مطلق" مو معاهم كنت أتوقع أول ما أقوم ألاقيه قدامي !!!
ضليت بالمستشفى فترة ورجعـت للبيت .. وكانت المفاجأة مع أخوي ..
ورقة طلاقي من "أحمد" ما تتصورون وش كثر فرحت أخيرا افتكيت من الكابوس آللي كنت عايشته...
كنت اسأل عن"مطلق"طول الفترة وقالوا لي أنه تعبان مرة و ماخذ أجازه من العمل__

----------------------------

خلصت فترة العدة .. وأنا مستانسة حيل بفراق " أحمد" رحت وطلعـت مع أخوي ومشاني أنا و" ياسر"
يوووه من زمان ما تمشيت .. سألت اخوي عن"مطلق" وقال أنه مره تعـبان وكله بالمستشفى . .
خفت عـليه حبيت أزوره بس خفت من الكلام علي !
--------------------


في يوم من الأيام دخل عـلي أبوي وكانت الفرحة بوجهه.. قال : أمل ..جاك خطيب
استغربت أنا من هو إللي جايني قال : مطلق يا بنيتي ! ! !
كأني بحلم ! ! ماني مصدقه ! معـقولة !!
أهلي خلو الشور لي ما اتدخلوا بشي __ بس أخوي كان رافض بشده..

استغربت من أخوي !! قال أن "مطلق" تعبان مره وكله بس بالمستشفيات وهو ما يقدر على الزواج فيه خطر علي حياته !!
دموع أخوي كانت تنزل وأنا بعد كنت مندهشة ودموعي تنزل !! محد قاللي أن حالته بهذا السوء
طلبت من أخوي أنه يخليه يجي ونسأله عن حاله ??
جانا من بكره وكان وجهه مره تعبان __ خلانا أخوي أنا وياه مع بعـض لحالنا ومعنا "ياسر"
سألني إذا كنت موافقة عليه سألته : إذا كان هو فعلا يبيني ??
جاوبني وقال : والله يا "أمل" ما ذقت طعم السعادة من طلقتك __
صحيح كنت متسرع في قراري بس لحظة الغضب الواحد ما يدري وش يسوي__ وكان أعظم خطأ بحياتي سويته هو طلاقك..
حاولت أنسى ونقـلت عملي بالخارج عشان أنساك بس ما قدرت__
وزواجك من "أحمد" كسر كل أمل كنت حاطه.. والله تمنيت لك السعادة معاه بس للأسف طلع ما يستاهلك وسويت المستحيل لين جبت ورقتك

والحين يا " أمل" خليني أعيش ما بقى من أيام عمري بحضنك وأنسى إللي راح
- أمل أنتي موافقة علي ???
دموع الفرح إللي على خدي جاوبته
--------------------


سوينا الفرح عائلي __ وكان بينا "ياسر"
ذيك الليلة من أروع أيام حياتي وأنا أقضيها مع أروع إنسان بالدنيا__
قضينا طول الليلة ما نمنا كل واحد يطالع الثاني بحب و الحب يحتوينا

تفاجأت وأنا أمسك شي في جنبه غريب .. فتحت اللمبة وشفت مكان عملية في جنبه
سألته باستغراب عنها.. ضحك وقال: عادي باقللدك...
هنا أنا شكيت أنه هو إللي تبرع بكليته لي
وحلفته بالله وبعـد إصرار..أعترف أنه هو من تبرع لي
@@


ضميته بقوة وتمنيت ما فكه قعـدت ابكي على صدره وأعتذر له عن كل شي وهـو مستانس ويضحك ..
حط راسي على راسه وقال : أمل انتبهي لـ "ياسر" وانتبهي لنفسك
قعـد يقول هالكلام وكأنه يودعني__

سكّته وقعـدت أسولف له عن الأيام الجايه وش راح نسوي ..بس كان يطالعني ودموعه تنزل !!!!!!
--------------------


صحيت الصباح وكان من أروع الصباحات في حياتي..
ولقيت مطلق صاحي قـبلي وألاقيه واقف عند السرير ينتظر أقوم .. قمت وبسته وكان وجهه مره تعبان __
قال أنه بيروح للمستشفى ويرجع قال صحي "ياسر" بوديكم مكان مفاجأة !!
ودعني وطلع وكان وجهه مشرق
رحت وصحيت "ياسر"ولبسته وجلسنا ننتظر "مطلق" بلهفه وشوق هذا أول يوم نطلع فيه كلنا مع بعض !
تأخر مطلق ساعه وساعتين وثلاث !! أدق عليه وما يرد
ما ادري شسوي أذن الظهر ما جاء وأدق على أهلي ما يردون
ما هي إلا دقايق إلا يدخل علي أبوي .. كان وجهه يبكي قـلبي عورني..سألته إذا أمي ولا أخواني فيهم شي ??
قال: يا بنتي أنتي مؤمنة بقضاء الله وقدره خليك قوية يا بنتي
صرخت بصوت عالي : مين مين يا يبه???
- مطلق زوجك يا بنتي عطاك عمره !!!!!

اسودت الدنيا بوجهي ...مات مطلق مات
قعدت أبكي و أصارخ زي المجنونة لا لا لا لا أبي مطلق لا لا لا
جوني أهلي حاولوا يهدوني بس فقدت عقلي
قاعدة أقول: لا أصلن هو راح شوي و بيرجع حتى شوفوني أنا و"ياسر" لابسين !!
تكفى يبه رجعـوه لي رح قله أمل و ياسر ينتظرونك
عطوني مهدآت بس كل ما صحيت وتذكرته بديت أبكي و أصارخ...
قلت لازم أروح وأشوفه.. وداني أخوي له
ودخلت بغرفة صغيرة بالمستشفى .. شفته ممدد على سرير وكان وجهه أبيض ومنور ..
قربت منه وأنا أرتجف وابكي.. لأول مره أشوف منظره كذا !! كان ممد ولا يتحرك كان منظره يخوف
ضميته بقوه أحاول أصحيه قلت يمكن أسوي معجزه وأصحيه بس للأسف كان جثه هامدة !!
قعدت أحرك يده وأقول: مطلق شوفني أنا أمل حبيبتك بجنبك يللا أنا و ياسر ننتظرك يللا قوم قوم..
يوم شفته ما يتحرك وأنا أصرخ بعالي صوتي:
مطلق~~~~~~~


(راح مطلق راح أطهر قلب بهالدنيا راحت الضحكة بدنياي راح الحب راح الكرم راحت الرجولة والوفاء__

راح الذي ما خلى وراه إلا الحزن والذكريات الحلوة __راح الذي طول عمري وأنا أبكيه ..
راح مطلق وخلاني بهالدنيا لحالي .. راح بس أهداني أحلى شيين بدنياي ما أتكلم عن الفلوس وعن العمارات إللي ورثتها منه .!!
أتكلم عن أروع شيين أهداني إياهم..
هم ياسر ولدي وكليته إللي في داخلي..


الكل بكاه من كبير وصغـير
حضر العـزاء ناس كبار جدا وناس معروفه بالبلد__الكل جاء وعزاني وسلم على ولدي...
رافع راسي حتى بموته الكل يدق تحيه لولدي *****
عرفت أنه بعد ما اتبرع لي بكليته تعـب لأن كليته الثانية ما تشتغـل.. خاطر بحياته عشاني ..
قدم لي حياته ورحل عن الدنيا !!! هذا إللي اتعبني حيل كل ما تذكرت تضحيته قعـدت أبكي بحسره !!
--------------------


قعدت فترة الحداد في بيتي ولقيت في يوم من الأيام رسالة في درج..
واكتشفت أن مطلق كاتبها قبل وفاته كان كاتب فيها:

حبيبتي"أمل" أنا قاعد أكتب هالرسالة وأنا ما ادري متى بتقرينها كتبتها في صباحيتنا
أنا يا أمل خلاص حالتي تعـبت وما فيه أمل لشفائي أنا قدمت لك كليتي السليمة وضليت في التعبانة
بس عشان أعيش معك ما بقى من حياتي سعـيد .. بس حالتي ساءت وعلاجي صعـب
وما بقي إلا أيام معدودة وأنتقل لرحمة الله__

تدرين أن هاليوم إللي عشته معك في حب وأشوف الحب في عيونك من أروع أيام حياتي
خلاص يكفي هالشعـور إللي عشته وأشكرك من كل قلبي على لحظات الحب إللي منحـتيني إياها__


أمل تكفين أنتبهي لـ "ياسر" ولنفسك تراني صحيح رحت عن الدنيا بس ما خليتكم كذا !
خليت لكم ثروة كبيرة ما تخليكم بحاجة أحد حتى عيال عيال ياسر يستفيدون منها..
و اعذريني يا بنت العم إذا قصرت معك في شي__
واسمحيلي بالرحيل مع أن ما ودي بس هذا حال الدنيا كلنا راحلين __

محبك الأبدي : مطلق

............................


~ تمنيت إني ما قريت الرسالة من قريتها وأنا ما تجف الدموع من عيني !
قعـدت شهور وسنين حاولت أنساه بس ما قدرت حيل تعـبت
كل ما شفت ولدي ياسر وطالعـت بعـيونه تذكرت المرحـوم .. وتذكرت ضحكاته
بعت الفلة إللي كنت ساكنة فيها لأني تعبت وأنا أشوف مطلق بكل زاوية .. البيت صار يخوف من بعـده فاقدة ضحكاته__
رحت وعشت عند أهلي وفتحت مشاريع خيرية وسميتها للمرحوم__
--------------------



هذي هي قصتي كلها وأتمنى من الجميع يستفيد منها..
حبيت أقول لكل بنت.. دوري على الشخص اللي يحبك وشاريك مو إللي أنتي تحبينه !!
وترى الجمال مو أهم شي .. ما فيه أجمل من "أحمد" إللي ما خلى وراه إلا كل ذكرى فاسدة..
محد يسأل عنه ولا يسلم عليه وطى راسي بالأرض بأفعاله
..
و مطلق إللي ما فيه جمال بس جماله داخلي شوفوا اشلون عزني ودللني
ورفع راسي حتى لأخر لحظة وأنا أشوف الطيارين والضباط يدقون لولدي التحية ¥¥





انتهت

الله يسعد قلبك غلا
بصراحه بصراحه ......... من قرأت بداية القصه ماقدرت اتصبر قبل اعرف النهايه فنطيت على العم قوقل وما رحت ولا شبر من عند اللاب الا بعد ما كملت القصه .......
مجنونة روايات و قصص وبس امسك روايه اواصل لمن اشوف الغلاف تبع الجهه الثانيه للكتاب ......
ممكن اواصل 7 ساعات قرائه ما شاء الله
حاولت فتره طويله ابطل قرائة الروايات بس مالك امل
مشكووووووووووره غلا.

سلمت يمنااك حبيت القصه مره
تحياتي لك

صدق إذا قالوا :
الجمال جمال النفس والروح
مش جمال الشكل والهيئه ..
للأسف إن غالبية البنات وحتى الرجال يبحثون
عن الجمال الخارجي تاركين الداخلي
واللي مستحيل يتغيرمهما جار عليه الزمن
ghlaa
قصه جميله ورائعه وفقتِ في اختيارها
لما تحتويه من معاني وحكم رائعه
وهي بمثابة نصيحه لكل من يقرءها ,,
فسلمت أياديك على روعة الطرح
وبانتظار جديدك القادم
وردي يسبق ردي

أختي الغالية ** عزف قلم **

شكرا لك على مرورك العـطر

ولا يهمك غلاتي راح أهلك روايات

يشرفني تواجدك في متصفحي المتواضع
لك مني خالص الود والتقدير
ghlaa

أختي الغالية ** ريناد **

شكرا لك على مرورك العـطر
يشرفني تواجدك في متصفحي المتواضع
لك مني خالص الود والتقدير
ghlaa

أختي الغالية ** سميتك غلآي **

دائما حضورك له نكهة خاصة

و كون غاية في السرور و أنا أقرأ ردودك ومشاركاتك

فشكرا لك على مرورك العـطر
يشرفني تواجدك في متصفحي المتواضع
لك مني خالص الود والتقدير
ghlaa

ghlaa
من جد الحكايه رائعه ..
فكم تصادفنا احداث مشابه لهذه الحكاية
فنتعامل معها بفوقيه دون النظر او البحث في جوهر ذلك الامر
مما يرجع علينا بالندم والحسرة
اختي الغاليه ..
كان لابداعك واخراجك للحكاية بهذه الصوره
عامل اساسي في ترقبي ولهفتي لمعرفة النهاية ..
احسنت وتميزتي ...دمت بود اختي الغالي ..تحياتي

أخوي الغالي ** بروووق المزوون **



دايما حضورك مميز و ردك راقي

فشكرا لك على مرورك العـطر
يشرفني تواجدك في متصفحي المتواضع
لك مني خالص الود والتقدير
ghlaa

تسلم أنــآملك غ ــــــــــــلآ
فعلا شدتني كثير الحكآيه حتى النهآيه
مع اني مااحب القصص ولكن تعلقت فيهآ
اسلوبك جدآ رآآئع يعطيك 1000 عافيه حبيبة البي عسآك ع القوة
يآرب
ماكنتش عآيزة النهآيه حزينة هيك ولكن ممتعه ومشوقة وتحمل الكثير
من القيم والمعآني ....

مسآئك السوكر .........