وش صار لو زادوا بعين الضرير الظلام !؟؟

لله ياصمت غرد عن كثير الكلام
وارقا السما واكتب بصدر السحايب أدب

لو ينكتب هالشعور اللي بسرب الحمام
ماكان مثلك عن اسراب الحمام انكتب

لله للي ترك لعبة شعوري حطام
وللحين طفلة خيالي ماكفاها شغب

أحيوا ظنون الصدور ومات طهر الغرام
وسقيت نخل السكوت ولانبت به رطب

لو كل حلم يتحقق لانخيت المنام
ماكان حال الحقيقه في عيوني صعب

شفهم ملوا كل ماحولي بكثر الزحام
وشفني بصمتي مليت أحساسهم بالعتب

وش صار لو زادوا بعين الضرير الظلام !؟؟
وش صار لو نادوا الضيقه وصدري رحب ؟؟

والبارحه طار من غصن السوالف ملام
والبوح : نارً من صدور الاوادم تهب

وانا أكبر احلام عمري.. هالمواجع تنام
وانا اصغر اللي سكن صدري نوايا مُحب

شح الفرح وابتديتك والمشاعر صيام
والوقت : ليلً ملى وجه المسافر تعب

ياصمت .. وشعاد لو سمّو (حياك) ... انهزام
وانت الجبل لاغدت ريح الحكاوي مهب

يكفي حضورك يشابه بالجفاف الغمام
ويكفيك بعيون فضة هالسوالف ذهب

كن أجمل العمر (صوت) وهـ/ الليالي ركام
ولا .. حسوا العابرينبصوت تحت النشب

لله توّي عرفت شلون .. معنى الهدام
وانا اكثر اللي بنا سطح الاماني (سبب)

قل للأمل من عقب سهر المواجع ينام
ابطى صباح الحياة وكل حلم انشطب !

لو قصدهم باني النور ..لضرير الظلام
ماكان خلوني لنار السوالف... حطب !!

هواوي
يعطيك الف عاافيه اخوي
كلماات رااائعه
دمت بود

[align=center]

هواوي

أبيات رائعة وهي عادتك في اللإنتقاء المميز

موفق بإذن الله ... لك مني أجمل تحية .
[/align]

الســـاهر
الروعة هي في ذوقك ومرورك العطر
دمت بصحة

اميرة الخيال
رائعة دوووووووما
حتى في مرورك
دمتي بود

هوآوي..اا

مبدع ومتألق ومميــز بأنتقآئك لآجمل الموآضيع

أبيآت جميلهـ رآقت لي

مــودتــي

حسااس
نورت متصفحي بمرورك العطــــر
دمت بصحة