تدري وش اللي يجرح

تدري وش اللي يجرح القلب جرحين

ويمد حبـل الحـزن فيـك ويشـدة


انك تناظر طفل مـن غيـر ابويـن

يمشي ودمعـة سايـل فـوق خـدة


منظر صعيب ويقسم القلـب قسميـن

لا قـام يمسـح دمعـة بكـف يـدة

يمش ولا يدري طريقة علـى ويـن

لين التعب من كثـر مـا تـاه هـدة

اثقل حـروف يشيلهـا فيـة حرفيـن

لا أب يـدريـبـة ولا أم تـــردة

في خطوته رحلـة ودمعـة وسكيـن

وحـظ توسـد بالمراسـي مـخـدة

جيت اسألـة بالله قللـي ولـد ميـن

وبغي يجاوب وختنـق صـوت ردة

أنـا يتيـم ومـا لدربـي عنـاويـن

وجزر الحزن فينـي يسـاوي لمـدة

وطعم الطفولة ما عرفته لهـا لحيـن

وثوب السعادة صـرت مانيـب قـدة

ابكي إلى من شفت غيـري سعيديـن

ليـن البكـا فينـي يوصـل لحـدة

واقفي ورحت امسح دموعي من العين

وعيني تناظـر دمعتـه فـوق خـدة

وهذا اللي يجـرح القلـب جرحيـن

ويمد حبل الحـزن غصـب ويشـدة

م.ن

أبيــآت ورد في طيآتهآ حزن اليتيم الذي يتوق لآبويه
لينعم بحبهمآ وعطفهمآ
ومن هنآ دعآنى خير الانآم وحثنآ على البر والاحسآن ورعآية الايتآم
وهذه الايآم يعآني منهآ اليتيم سوآء صغير السن أو الكبير
لذلك وجب علينآ ضمهم لقلوبنآ والاجتمآع معهم
وعدم تركهم ليتمكن الحزن منهم
والاجــر في ذلك كبير وعظيم

المزيــونه
بآرك الله فيكِ أختي على طرح هذه القصيده
دمتِ بسع ـآإده

.,

اشكرك اخوي على مرورك الراقي

دمت على طاعه الرحمن