قصيدة عن الجنادريه 28

وهذه القصيدة هي من جديد الشاعر خلف المشعان
ومناسبة هذه القصيدة
هي دعوته للمشاركة في المهرجان الوطني لتراث والثقافة .

((قصيدة الجنادرية ))

أليا دعتني.. ديرتي.. وين ماكون
بديت دعوتها....على كل بادي
قبل الوطن ينده عياله .. يلبون
حي الندا .. والله وحي المنادي
نفضت كل اللي بالأدراج مركون
حزني .. شقايه .. كبريائي عنادي
ونبشت حب في حناياي مخزون
ولقيت بيت عن هل الشعر غادي
كل حب أرادي من تهاون به يهون
إلا مدى حب الوطن لا إرادي
وش منوة الشعار يوم يتمنون ..؟؟
يكود فرصة من منبر غير عادي
يعني مثل هالمنبر اللي تشوفون
هذي هي القمة وغاية مرادي
بجنادرية موطني .. يشرق الكون
موسم ثقافة ملتقى فكر .. وفنون
قامت تجيه .. الناس من كل وادي
ماجيت ابيكم في قصيدي تحيون
جيت ابرحب كل ضيف ببلادي
يامرحبا يصدح بها شعري لحون
من صوت ابو نوره لريشة عبادي
يامرحبا بلسان صادق وبعيون
آل القيم .. والمرجله .. والمبادي
آل السعود اللي على العز يمشون
خلفة معزي .. مخلفين .. المعادي
في ظل ابو متعب شف الشعب وشلون
أصغر مواطن .. في حياته يفادي
نوفي مثل مااجدادانا قبل يوفون
دون الوطن .. مافيه موقف حيادي
لو مااكون اللى ابي كيف ماكون
والا عسى ماكون حزة .. هدادي
ماغايتي بالشعر بيرق ومليون
ولاغايتي .. تصفيق بعض الايادي
ان قيل لي وش غتيتك قلت مفتون
مفتون في تمثيل راية بلادي

من فضل الله أنا سعودي
هذي الأرض الحره حدودي



أرض أجدادي نبض فؤادي
شمس الدنيا مسرى الهادي



هذا الوطن الغالي بلادي
مصدر عزي سر وجودي



هذي الأرض الحره حدودي
يا بلادي من علو إلى علو



ما يزعزع ثابت اركانك عدو
ما يدنس طهرك بلادي غلو



حي وجه الخير .. حي الله جديده
حب من الله لعبد الله يزيد



يا ملكنا فيك ما تكفي .. قصيده
وما تغني الروح حي الله قصيد



قال أبو متعب لنا الجمله المفيده
قال ما يغني وبين ما يفيد


الوطن في قلوبنا دين وعقيده
من وقف دون السعوديه شهيد


والعمل يدني مرامينا البعيده
والصبر ينبي عن الباس الشديد


يا وطنا لك علينا ما تريده
لك علينا يا وطنا ما تريد



حنا هل الطوله .. تواتر علمنا
ما همنا من ذمنا ما همنا





ما ضاقت صدور العتب من حملنا
صدر السعوديه بحب .. ضمنا



حنا وهي ياللي تبينا دلنا
في عيون عبدالله ترانا كلنا



الله عليها دارنا ما مثلها
حنا لها حنا ملكها واهلها


حنا وهي .. ياللي تبينا دلنا
في عيون عبدالله ترانا كلنا

الله يعطيك الف الف عافيه
على المبادره الطيبه وماهي غريبه عليك
لاحرمنا الرب وجودك ..



ودي

**

صح لسآن شآعرهـآـآ .. وسلمت أنآملك ع تسطيرهآ
تحيـآـآتي



..

شكرا لك على هذا الطرح كل الشكر
فدوما ما نتذوق الحزين من المواضيع
ودائما ما تشدنا قصص الالم والمعاناة
علنا منها نستخلص العبر
وربما بما نتعلمه نستطيع رسما لدروب الحياة
اشكرك من قلبي
مع الامنيات لك دوما بالتوفيق والسداد

ذائقة تميزت ولا زالت

حروف راقية تروق للنظر

اشكرك على ما نثرت