ابشرتس طيب ومرتاح وبخير
لاصرتي بوضعن مع الناس طيب
والبعد ماهو بطوال المشاوير
واذا بغيتيني تراني قريب
اقرب لك من العش في حضرت الطير
واكرم لتس من الغيم لا صار صيب
وازعج من الصبح الندي والعصافير
واهدى من الليل الحزين الكايب
تدرين لا جتني طيوفك مسايير
اجلس مع العالم لاكني مغيب
شاعرتس مايكتب عشان الشواعير
اللي تلوفت بين طيب وخيب
ابوي وصاني وانا توي صغير
من قبل اعرف ان الاوادم تشيب
لاطلعة راسك يآثآمر اتبع السير
عيبن عقب طلعة رويسك تغيب