لا ضاقت الدنيا عليـك وتشاويـت ..
خلق الله اللي فالرخـا كـان واجـد
ومن العرب والصوت والثوب مليت ..
وقامت عليك همـوم بأقعـا تراجـد
فارفع يديك لخالقـك لا توضيـت ..
وادعو تراك أقرب إليا صرت ساجـد
ووقت من أوقاتك للأوقات توقيـت ..
وسجل لنفسك في المساجـد تواجـد
وأبشر بفزعة حامي الدين والبيت ..
إليا هجدك مـن الهواجيـس هاجـد
اللي يميت الحي ثم يحيي الميـت ..
لرضاه شف كثر البشـر بالمساجـد
فـي عينهـا ماكـل رجـال رجـال ..
وأقصى حدود الوصل في سلمها الصوت
زودٍ على القلب وعلى الحسن من آل ..
روسٍ لهم روسٍ على متونها بشـووت
الى رضت موتوا يا أهل روس الأموال ..
وإلى زعلت جربت وش سكـرة المـوت
من دونها رجلـي وراكـب وخيـال ..
والسيف والأمـواج والبحـر والحـوت
غاسل كفي من مصافحة بعض اليدين ..
وقافل بوجيه أهلهـا صناديـق البريـد
أشهد اني للبلاوي على الدنيا مديـن ..
كل ما راجعت نفسي طلعـت المستفيـد
المواقف تشخل الناس والطيب يبيـن ..
كل عام يطيح تسعه ويصفى لي وحيـد