لا ضاقت الدنيا عليـك وتشاويـت ..
خلق الله اللي فالرخـا كـان واجـد
ومن العرب والصوت والثوب مليت ..
وقامت عليك همـوم بأقعـا تراجـد
فارفع يديك لخالقـك لا توضيـت ..
وادعو تراك أقرب إليا صرت ساجـد
ووقت من أوقاتك للأوقات توقيـت ..
وسجل لنفسك في المساجـد تواجـد
وأبشر بفزعة حامي الدين والبيت ..
إليا هجدك مـن الهواجيـس هاجـد
اللي يميت الحي ثم يحيي الميـت ..
لرضاه شف كثر البشـر بالمساجـد
|