منتديات حساس - عرض مشاركة واحدة - يمهـ فداك الكون والناس تكفين ""

يمه عسى شرك يزول وتطيبين

تقضين عمرك في صلاة وعبادة

وليا لفيتك زاير لك..... تقومين

تستقبليني في حنــان وسعـادة

يضمني صدرك وتدمع له العين

يطيح فوق الكف....يعلن وداده

يمه فداك العمر وش بك تونين

يايم عـقبك عايشـــــين بنكاده

يمه يتل الروح يوم انت تبكين

تل الطيور القنص لحظة حداده

يمه فداك الكون والناس تكفين

ما ودي اسمع..مااتحمل زياده

ردي علي (يم) وشبك نسيتين

ردي علي ماعاد فيني جلاده

ردي علي ( يم ) أو ما عرفتين

يمه ذبحني ضمتك للوســــادة

يمه بدت بالصدر ثورة براكين

تفجرت الاحزان هم ولهــــــاده

ومن الحزن ذبلت تمور البساتين

ورد الهدا يايم اعلن حــــــداده

دكتور خذ قلبي وكبدي مع العين

عطها دفا عمر العمر هي مراده

رمز الوفا والتضحية امي منين

القا الربع ربع الربع من جهاده

ياالله عساي أرد له اول الدين

يفداه قلبي والجوارح قـــــلاده

يالله يامنزل تبارك وياســـــين

باسمك نطق عيسى وهو في مهاده

تشافي أمي أمي وكل المساكين

اللي لهم الطيب طبع وعادة