لا تشتكي من جور الايام للناس=وادفن همومك في ثرى الصمت كله
اسرار عمرك خلها تحت الانفاس=لا صار هرّاج القفا فاطنن له
هذاك يفرح لا لمس جرح الاحساس=و هذا مناه اليا لقى فيك عله
جو الربيع بعجة الصيف ينحاس=لاجت هروج(ن) ما تجي في محله
داعب هموم الليل لا هب نسناس=وعطها الخبر من قلب خل(ن) لخلّه
قلّه حبيبك ما وطى قلبه الياس=حتى عذابك بالهوا جايز(ن) له
تعيش بالوجدان ما عاش هالراس=لولاك قلي وش انا عايش(ن) له
إن زانت الايام يا شوق لاباس=ولاّ صبرنا لين ربك يحلّه
...
طبعـاً من مدونهـ الســاآآهـر ..
صح لسانك أخووي جبتهـا ع الجـرح ..