منتديات حساس - عرض مشاركة واحدة - || مكتبه القصائد الصوتيه || بدون موسيقى+ صفاوه عالية+ إلقاء ناري ][

05-25-2010, 10:03 AM

خذني افحضنك ابغفى يااااهـ مبطي ماغفيت
وان لمحت دموع عيني سو نفسك ما لمحت
خذني افحضنك وبعثر في جروحي وان قضيت
هزّ لي كتفي وقل لي عيب تبكي لو سمحت
إضحك وعلّم زماني من على ومن وين جيت
طقّ باب الحزن واصرخ فيّ لامني فتحت
وضمّني يمك وكمّل ضحكتك لامن بكيت
ودّي اذكر كيف كانت ضحكتي لامن فرحت

صوّت حبيبي وقبـل أقـول ياعونـك
شكى جروحه ورحت أشكي له طعوني
يقول مقدر أعيش اليـوم مـن دونـك
وأقول حتى ولو ماعشت مـن دونـي
يمكن أنا اكون أعز إنسان ف عيونـك
بس انت والله كل النـاس ف عيونـي
لا صرت ربعي وداري فيّـة جفونـك
وش دخّل الناس خل النـاس يجفونـي
يكفيني إن انت لا من قلـت وشلونـك
تطيب كل الجـروح ويختلـف لونـي

ضاعت احلامي وظل الحزن فيني واهتديت
للطريق اللي يوديني على دمعي ورحت
يالحزن ليتك مثل دمعي وتنزل لارقيت
بس اعرفك لو مسحت الدمع تبقى ماانمسحت
كان حلمي في وجود انسان يبكي لابكيت
وصار حلمي في وجود انسان يفرح لافرحت
كنت اشوف الناس مثلي كل ماجعت وظميت
مادريت ان الاوادم ناس فوق وناس تحت

في عز ما كنت اهوجس فيك وافتحلـك
ابواب قلبـي خذتنـي رجلـي لبابـك
وجيتك وانا ما اذكر اني كنت رايحلك
بس اذكر اني كـذا لاطـول غيابـك
ياما ترددت مـدري كيـف اشرحلـك
اجيك وارجع ابيك تقـول وش جابـك
يابـن الاوادم تـرى مليـت المحلـك
انا اعزك واحبـك واعشـق ترابـك
لا ضقت اضيق ومتى ما تفرح افرحلك
ولاغبت اموت ومتى ما شفتك احيابك
ان كان ودك ترسينـي علـى كحلـك
لميت عمري وخاويتك علـى اهدابـك

قلبي لـه اليـوم .. ثالـث يـوم موجعنـي
وعيني لها اليوم ثالـث .. تجمـع طيوفـك
والبـال كنّـه علـى دربــك يوزعـنـي
ولسانـي ماكنـه الا خـلـق لحـروفـك
لاالنـوم نافـع .. ولا التفكـيـر نافعـنـي
انام واصحى على الباقـي مـن وصوفـك
بالله قلي .. شعـوري هـذا وش يعنـي !؟
طمنّـي .. الله يطمـن هـمّـك وخـوفـك
بيني وبينك .. ترى اللي صدق ضيعنـي ....
ان انت في اخر لقا .. شارح لي ظروفك
مدري وش اقول .. لكن تدري .. اسمعنـي
خابرك وافـي .. و أبيـك تتـم معروفـك
ان كنـت نـاوي تسافـر .. لاتودّعـنـي
بـس انتبـه .. لا تسافـر قبـل مااشوفـك