01-28-2012, 09:46 PM
|
#7
|
من أشعار الأمير الشاعر //
بدر بن عبد المحسن 
//////
بحر العيــــــــون
تقول اللي طرف عينك أنا مدري هدب أو عود
أحس اني من اللي صابها ماشوف قدامي
ضحكت .. وقلت لاتخافي على بحر العيونالسود
على شط الكحل مريت .. وهذا موضع أقدامي
أدور عن ذهب عمري .. أدور كنزي المفقود
وأشوف الموج يطوي الموج ويبحر مركب أحلامي
عيوني بسمة اعيونك ولو صارت مطر ورعود
أبا اشرب من ظما دمعك وابااغسل جرحي الدامي
عطيني عيونك الليلة .. وباكر ياعساه صدود
أمانه لا مسحتي الكحل خلي طيف أحلامي
أحبك كان يكفي الحب جروحي في هواك شهود
أنا اللي راس مالي حلم .. وهم الدنيا قدامي
************
ماقلتي لي انك تحب
ما قلتي لي انك تحب .. قلبك وعينك تحـب
اخترتني بين الجميع .. واهديتني البسمة ربيع
لا مــا دريــت .. انــك تـحــب ..
عذبتني بـلا سبـب .. ومـا قلـت لـي ..
الـــــبــــــارحــــــة ..
غمضت أنا عيوني .. على وجهـك سريـت
حبست في عروقي .. دفا صوتك .. سريـت
درت الــشـــوارع كــلــهــا ..
فـدنـيـا أبــد .. مـــا ادلـهــا ..
خليـتـنـي أســهــر واضــيــع ..
اخترتني بين الجميع .. وأسقيتني البسمه ربيع
لا مــا دريــت إنـــك تـحــب ..
ضيعتنـي بـلا سبـب .. ومـا قلتـي لـي
ذنـبـي أنــا.. وانـتـي ..السـمـاح ..
ادري الـــجـــراح ذنـــبـــي ..
يالـلـي الـهـوى .. عـنـده مــزاح ..
وصــــار الـثـمــن قـلـبــي ..
ســألــت يــــا صــاحـــب ..
سألـت عـن .. وجـه المسـا الشـاحـب
سألت عن .. قمر الحنين.. وشمس الغضـب
فقـلـبـك.. وعـيـنــك تــحــب ..
******
مــجــنـــونـــهـــا
لعيونـهـا ... بــس لعيونـهـا
قلـبـي ســـراب بـدونـهـا
قلبي سراب ... وعينـي سـراب
مـا اقــول أعشقـهـا بعـقـل
مــجــنـــونـــهـــا
البارحة مريت في أحلى الفصـول
صــيـــف وشـــتـــاء
ونـــاظـــرتـــهــــا
وقلبي يقول هذي العيون إلى متى
حبيبتي ياكثرها عيونك على هاالليل
ويـن مــا التـفـت اشوفـهـا
حبيبتي يازينها عيونك ورا هاالليل
سحـرنـي بــرق سيـوفـهـا
مـا أقــول أعشقـهـا بعـقـل
مــجــنـــونـــهـــا
قمـري .. يـا شمـس الـذهـب
سفـري وراء عيـونـك تـعـب
قلبي تعـب00 وصبـري تعـب
ومـن الهـدب لـيـن الـهـدب
بحـر ومراكـب مــن لـهـب
أمـواج تبحـر بــي رضــاه
وأمـواج تلعـب بـي غـضـب
*****
تخيـــــــل
تاقف على اطراف الهدب .. وماشافتك عيني
صافحتني ومدري يدك هي لمست ايديني ...
سلم .. ابارد السلام ..
وهذا ترى كل الكلام ..
اللي بقى بينك وبيني ...
تخيـّــل ...
من وين ... ومنين ومتى ...
بالله ذكرني ...
بالله ذكرني ... متى
جيتك انا فـ ليلة شتا ..
تهزني ريح الشمال ...
محتاج انا لبسمه وشال ...
تركتني لبرد الطريق وانا على بابك ..
اتذكر انك قلت لي بالله وش جابك ..
ودعتني قبل السلام .. وهذا ترى كل الكلام
اللي حصل بينك وبيني ...
تخيّــــل ...
اليوم لعيوني السما والارض البعيد ...
اليوم ولغيرك انا يطري على بالي القصيد ...
اشتقت للقلب الخلي ..
وش هم .. لو تعتب علىّ ..
جيتك انا فـ ليلة ألم .. قلبي على كفي ...
همست لي روح ياغريب الشوق مايكفي ...
سلم ابارد السلام ...
وهذا ترى كل الكلام ...
اللي بقى بينك وبيني ...
تخيّــــل ...
************
|
|
|
( )
..
سميتـــــــك غـــــلآي
|
|