بديت امل من حياتي وأظن انتهى فيني المشوار
ما عاد أنتظر غير مماتي وطول العمر ما يبدل الي صار
ما بلحق اغير كل الي فات وما ينفع الصمت ولا الحوار
هي دنيتي عشتها ساعاتي ومقدر اني اخليها بتذكار
ارحل وانا لي فيها سماتي قبل ما اتركها محمل بالعار
شربت من مرها مرات والحلو فيها ما يزيد تكرار
والحب الي زين حياتي ما اطيق ابد عنه انتظار
له في خافقي لهفه وونات وله في داخلي رمز واشتهار
هو روحي وهو غناتي لخطيت وجب علي الاعتذار
احبه حب ما له صفاتي ومن وصفه يسلب الانظار
يا ريتني عرفته قبل شيباتي كنت غديت سيد الشعار
وكتبت في حسنه معلاقاتي والفت دوواوين ولفيت امصار
واسكنته من الدورجناتي ومن الخدم ما يحصيهم حصار
بس القدر ما اعطاني امنياتي ولا امهلني اكون من الاخيار
وصيتي بعد فرقى حياتي تذكروني اذا ما عليكم اعسار