فلاح السبيعي
اضحكي
إضحكي ماتشبهين إلا المرايا = وإن طلبتي حلف والله ثم والله
إنك أجمل من عرفته فالبرايا = وإنك أغلا من مشى في الكون كله
وإنك اللي ضحكتك عطر وهدايا = من يضيع بدريها محدٍ يدله
صوتك لحاله مسوي بي سوايا = بحته تقطع قلوبٍ مسفهله
كل ماظنيتي إنك بالحنايا = إفرحي يابنت ظنك في محله
إيه أحبك والغلا كانه خطايا = الخطا هذا ترى مانيب أمله
وإن طلبتي شي كلي لك فدايا = خاطرك يسوى الطلب دقه وجله
خاطرك هذا ذبجني بالعطايا = كل ماقلتي عشانه قلت يله
الجوهرة
الجوهره لعيونها يرقى الشعر فوق السنام .. من فكر انه يشتهر يكتب الشعر لعيونها...
حتى يعرف ان الشعر ماهو مثل كل الكلام ... حتى يعرف ان الشعر بالضبط هو{مجنونها}..
"عيونها" بلحالها تحكيلك انواع الغرام .. "عيونها" قصة غرامي والشقا مضمونها...
من تلتفتله?? يعتبر نفسه على صدره وسام ... ومن تلتفتله?? بالغلا ماله مجال يخونها..
ومن تلمحه!!!! يسهر لياليه الشقيه ماينام .. ماتعرفه ولكن يموت بحبها وطعونها...
قولوا لها مااقدر اوصلها غير السلام ... اخاف اوصل رغبة في البال تقصر دونها.
العذر
مره زعلت وعذرها مقدر أنساه = زعلت وأرضتني وأنا في مكاني
على طريقتها العذر ماله أشباه = على طريقتها العذر شي ثاني
ضحكه وحاجه ثانيه تشبه الأه = منها الزعل ماعاد ياخذ ثواني
مافكرت في عذرها وين تلقاه = عرف نفوذ عيونها في المحاني
قلبي وهو قلبي إليا جابت أقصاه = راح وذكرها من وراي ونساني
يكفي كلام عيونها كل ماأقراه = يهدي لكل الناس في شكل أغاني
في عينها الفارس ورمحه وشلفاه = وفي صوتها المبحوح شي ٍ خذاني
وإليا تبسم ثغرها لذت بحماه = تضحك ويضحك في عيوني زماني
وإن سولفت قام الغلا يسحب خطاه = حتى سوالفها بعد شي ثاني
القصايد ..!
تطلبين أكتب قصيدة في جمالك .. بسألك لولاك وش معنى القصيدة ؟
من عرفتك والقصايد كلها لك .. شاعرك مايكتب لغيرك جديدة
بس أرتب قافها ثم تنهدا لك .. الفريد من العرب يهدي الفريده
شاعرك مهما عن عيونك حكالك .. ماقدر يعطيك كل اللي يريده
القصيد وكاتبه كله حلالك .. مايزيدك شي زينك هو يزيدك
القصايد ماتجيب أقصى جمالك .. كل شيء فيك يستاهل قصيده
سافر
سافر أمس ولا نشدني عن حنيني ... كن ما بيني ولا بينه ميانه
معه أمانة قلبي وضحكة سنيني ...علموه يرد لو بعض الامانة
علموه ان الغلا بينه وبيني ... ماتغيركل شي في مكانه
يمكن انسى كل شي صار فيني ... بس كيف انسى تغليه وحنانه
ليته يفكر ولو مره يجيني ... والله ان ياخذ زماني مع زمانه
هو عشانه بس خفاقي وعيني ... حتى انا كلي على بعضي عشانه
محتاجلك
محتاجلك ماهي مثل كل مره .. هالمره أكبر من سهر ليل وأحساس
ياللي غيابك عن عيوني مضره .. عندي حظورك فرحة مالها قياس
قلب ملكته صار لك فيه جـره .. يغار منها كل من مر عســـــــاس
وأنا رضيت الجرح خيره وشره .. بعض الجروح بهالزمن ترفع الرأس
طول زماني مابين برده وحره .. وأنا أنتظر من يمك يهب نسنـــــاس
خل العتب وأن كان قصدك تشره .. آمر وأحطك في دجى الليل نبراس
بهديك قلب صار حـــبك مقره .. مليت توزيع المشـــاعرعلى الناس
يتبع