إلى روح والدي المتوفي في 7 / 2 / 1429
رحــمه الله وأسكنه فسيح جناته
والذي لا زال وسوف يظل يسكن قلبي الحزين
7
7
7
7
دمعـــــة
فارقـتـني يابوي والدمـــع أنهــار
تسيـل من قـبرك وتوصل لبـيـتـك
قـللي يابوي الحين من يحيـي الدار
وشلـون تسمـع لو نويـت و شكيـتك
لو يوم أخـطي كيف توصلك الأعـذار
وشلـون أصرخ لـك بكلمـة فـديـتــك
رحـلـت عــني آآه يا شيــن الأسفـار
خـذني معـك للمـــوت و الا خـذيـتك
مع غـيبـتك ماعاد أبي أعـرف أخـبار
من لـه أبــبكــي بعـد أنا مـــا بكيــتك
ما خذت من بنـتك سـوى الطيـب تذكار
وهــي خـذت حـبـك وطيـبـك و صيـتك
يابوي أخـذت فعــالم المـوت مشــوار
لولا غـضب ربـي على المـوت جيـتك
أذكر صــدى آهـاتك تهــز الأســوار
وأذكـر ضلوعـي تنصهـر لارجيــتك
واذكر سـرير أبـيض عــليه الألم جــار
دورت عـن حـزنــي يابـوي و لقـيــتك
يا أغـلى بشـر راحـت به رياح الأقـــدار
يالله عـســى الجــنه قـــرارك و بـيــتـك
هـمــي عـلى فرقــاك منـثــور بأشعـــار
جِعـل الشعــر للمـــوت لو ما رثـيـــتـك
ghlaa
((الحقوق الأدبية والفكرية محفوظة ))