منتديات حساس - عرض مشاركة واحدة

#1 04-24-2023, 03:20 AM

أخوي عوني و لو كل البشر عانت
وجدي على الفزعة اللي غاب راعيها
و يا ويل حالي على اللي وقفته كانت
بلسم لجور الظروف اللي ما نشكيها
ياخوي : من غبت نار الشوق لا حانت
ما فيه حاجة على الدنيا تطفيها
لا تامن الوقت و الدنيا أليا زانت
لو كان تعطيك ما تكنز بأراضيها
على قدر زينها تجرحك لا شانت
و تزيدها فوق عطواها و تعطيها
تاخذ من العمر و الفرحة و لا لانت
لو جيت تحبي لها و تحب رجليها
فـ يا اللي سنينك سمان و لا بعد خانت
أحسب حساب العجاف اللي فـ تاليها
يشبه لها خاين الصدقان لا حانت
تضحك لك بـ سن و السكين في إيديها

لامست أحساسي ..ونقلتها لكم
العسل قلبي