بالعيد كلن حسب وضعه وحاله
حيث التساوي مختلف ماله حدود
ناس تطيع الله وراعي الرساله
وناس بلاك ياعقاب قلوبها سود
وناس تحب الخير وتسعى بمجاله
وناس تجي يمهم والباب مردود
وناس تشق الثوب وتلبس بداله
وناس مع الحسره سهود ومهود
وناس تحسب العيد رقص وهباله
بس همها اللذات وتدور الزود
وناس تحب الناس كلهم زماله
حازو صفات الود عن اب وجدود
وانا احب العيد واعشق رجاله
واهدي سلام العيد بالطيب والعود
وكلن لبس ثوبه وغتره وعقاله
وعايد هله والجار بالخير والجود