منتديات حساس - عرض مشاركة واحدة

11-28-2018, 06:24 PM

مساء الخير عموما حاضرين وغايبين
متواجدين وخارجين
داخلين وطالعين ههههههههه الفرزدق يناديكم
كيفكم ياطولين الاعمار على الخير والطاعه
ما نطول عليكم عشان لاتملون اليوم جايب لكم
موقف من مواقفي

في يوم من الايام ويوم كنت في اجازه من عملي
الشباب اتفقوا يطلعون كشته وطبعا لاني
راعي بر ومقانيص وكلوني وياليتهم ما وكلوني
طبعا ادوات البر من الالف للياء موجوده وحاضره عندي
محاميس ومعاميل واللذي منو
اللي هنا الامور تمام
لكن اللي ماهو تمام واللي ماعملت حسابه
وكلوني اجيب معي خروف للطلعه عشان نتونس عليه ههههه
طبعا ذبح وسلخ ومسلوخ
وعندي سياره خاصه للبر الا وهي الونيت الموقر
رحت السوق واخذت ذاك الخروف الابيض الاملح
ابو ريش ههههههه اقصد الفرو
المهم مسكين ياعيني عليه مافير
بع وبع قلت اصبر والله ماشفت شي راح تشوف البع
على اصوله بس نوصل للمكان
طبعا الاماكن بالجنوب كثيره تنفع كشتات وكذا
اخذت الخروف المسكين وربطه في الصندوق
لا احد يقول كيف لانها معروفه
طبعا الطريق للدخول للمكان اللي اختاروه الشباب
ماهو مسفلت يعني طريق ترابي
في هذه الاثناء وانا امشي بالونيت ماغير ناقزين
انا والخروف مره فوق وهبده تحت واي ياظهري
وطول الطريق وانا ادعي لابو الطلعه لابو الفكره
والخروف المسكين ماغير يبعبع باع باع
وانا اقول اصبر الله لايعوقك
فتره بسيطه وما عاد سمت صوت الخروف
التفت وراي ما شفته
وقتها عرفت ان الخروف طار من الونيت
وقفت الا والخروف هنااااااااك يركض
وقتها قلت افا الحق ياولد
واخذ طرف ثوبي بفمي واركض وراه
هوا يركض وانا اركض وراه
اخر شي كفشته قلت تعاااااااااال انا اوريك البع تبعك
واربط ابوه بحبل مره ثانيه بس المره ذي
حتى رجلينه ربطتها قلت وريني كيف تنحاااش
وبعدها وصلت للمكان اللي فيه اخوياي
وذبحناه وشويناه شر شويه

هههههههههه
انتظروني في موقف جديد
ان ضحكتو فذا من شيم المميزين
وان ما ضحكتو فوالله ثم والله لا اهفكم بورده

والسلام عليكم