جيتـك ودمع الشوق في نظرتي حار
منك وعليك العين ترجي وعدها

جيتـك حقيقه عطرها شوقي..الحار
غيمة فرح في وسط صدري رعدها

جيتـك قصيده ..تنتظر لفت الأنظار
حتى لو انه ما يرفرف ..سعدها

جيتـك جسد في داخله تشتعل نار
وحبال غربه طول بعدك عقدها

جيتـك عقب ترحال ..مليت الأسفار
راحة خفوقي فيك قلبي وجدها

جيتـك عطش مزروع في وسط الأنهار
جيتـك معاني شوق فكري حصدها

جيتـك بداية خوف مفعولها دار
احساس بعدك في كنيني رصدها

جيتـك حروف حطمت قيد الأسوار
تنثر بقايا البوح ..تصرخ وحدها

جيتـك قوافي ..ترجمت كل الأسرار
صعبه على التلميح يحصي عددها

جيتـك وكلي للقا عزم واصرار
اسابق الخطوات واخفي جهدها

جيتـك نهاية حلم بالليل زوار
صورة ظلال الصيف يمسك بيدها

اعجبني

تحياتي

البرنس