سلام عليكم جميع ..
ومساكم حب ورضى .. ونور ومسرآتــ

نزف قلبي .. وتذكرت الغالية امي .. وحلوة اللبن ومصدر الحنان والحب والوفاء واخلاق اخلاقي وعروووقي النرجسية بحبي لها ..
تذكرت تاريخ وفاتها .. وذكرت ميلاد حزني وضيآعي من بعدهآ ..
وعرفت تاريخ رحلتي لحزينه من بعد فرآقها ..
ياعساني اجتمع بها .. بجنة الفردوووس ..
آمين ..
أرض تــدوس أمــي بالأقـــدام رمـــلــهــا ..... أمـــوت فــيـهــا وأنــدفــن فــي رمـــالــهــا


أمي يا أميمتي
من وين أبدأ ياالغاليه..
يمه رحتي وتركتيني..لا أخ لا أخت لا أب
يمه ...أشعر أني بعدك تايه وضايعه..
يمه ... بعدك ما بقى لي حضن يدفيني.. بعدك فقدت الملجأ فقدت الأمان فقدت الاستقرار الأنتماء
يمه .. أوجعوا قلبي وقالوا لي: ارجعي يا<ريم>. تأخرتي على البيت..أهلك ينتظرونك..الحق على الغدامعهم

قلت آآه .. من يسأل عني ..؟؟ من ينتظرني ..؟ ... خلاص ..هذاك أول.. بعد أمي ما بقى لي أحد...


بعد أمي من ينتظرني على الفطور.. من يسأل وينها.. تأخرت..من يقولي فقدتك يا ريما.. من يرحب بي..
يمه فقدتك فقدت ترحيبك.. فقدت: حياالله ريما .. فقدت حيالله ريما ...

فقدت تدلعيك لي.. فقدت دلالك لي... فقدت حنانك...
يمه بعدك .. لمن أروح ولمن أجيله في البيت..
يمه بعدك .. من يشور علي.. ويوجهني.. .
يمه بعدك.. من أصبح عليه وأمسي..
يمه بعدك.. من أقبل يديه ورجليه..
يمه بعدك.. لمن أقول لبيه..
يمه بعدك.. من يقولي لبيه..
لبى قلبك يا يمه.. ولبى الأرض اللي مشيتي عليها..
.......

يمه فقدت يديك لما تمسحين دمعتي بشيلتك.. المعطرة بالبخور والمسك والعنبر....

وين هي يديك أبكي عليها ... وين هي شيلتك تمسح دموعي..

شفتي يا يمه.. دموعي سكايب... وينك يا يمه... دموعي على خدي سكايب...

يمه.. تدرين.. يا يمه.. أنا بعدك عميانه..

عميانه.. أظلمت دنياك وغبتي عن ناظري.. وأصبحت عميانه...

عميانه أشوف.. بس ما أشوف أخطائي..


يمه شفتي شلون كنتي شايله همي ... وهم غيري.. وانا شايله هم شيلك لهمي..

يمه تدرين أحبك...
يمه أنا أموت فيك... يمه أنا أموووووت فيك..
......

يمه تذكرين .. يوم أدعي وأقولك : جعل يومي قبل يومك يا يمه... .وأنتي تغضبين وتقاطعيني.. وتقولين: لا إن شاء الله يا ريما...جعل عيني ما تبكيك

وثم أقول بس يا يمه، أنا ما أقدر أتصور حالي بعدك.. قولي آمين يا يمه..
وتقولين آمين: جعل عيني تغمض قبل عينك.. أو جعل يومي ويومك واحد..


آه يا يمه.... ...


يمه.. إذا غمضت شفتك وتخيلتك...وإذا فتحت عيني..أشوفك في كل ركن من البيت...


يمه .. تدرين طلعت لحوش البيت.. وفجأة بكيت... بكيت..

شفت عذوق النخل ذابله... ايه ذابله...ولون الشجر باهت

والورد تخلى عن أغصانه..

بعدك السواقي جاااافه...

......


يمه ...ما أستوعبت أنك متي.. يمه..تمنيت أني في حلم...

يمه أتمنى أدخل غرفتك واشوفك... مثل كل يوم على سجادتك... وعند دولابك...

يمه.. كل يوم رجلي تأخذني لغرفتك... لكني الحين أمنعها وأحرمها...

كان أول.. كان أول .. أدخل عليك.. وإنتي ترحبين بي.. والحين الغرفة فارغه..


يمه ... يمه..... ليت موتي كان معك...

يمه... بصباحية العيد... من يحط لنا الطيب ( العود) ويقول يا ريما تعالي تطيبي قبل ما تروحين المسجد..

يمه .. العيد.. جاء .. وقرب وصار وراح الخوف والحزن معه...

يمه ... هالسنة صليت صلاة العيد مع عمي بدونك... آآآآآآآآآآآآآآآآآآه بدونك..

تعودنا نرجع من المسجد سوا.. وأحب رأسك وأقول عيدك مبارك يا يمه...

صلينت صلاة العيد وشفت غربتي بين الناس....

يمه ... تصدقين... راح أستحقر نفسي يوم لبست اللبس الجديد في العيد...

والحزن هو لباسي وأسري بعدك..


آآآآآه.... يمه وينك...


أبكيك وببكيك... وأكيد ما أنساك من الدعاء ...

ياربي يا من يعلم بحالتي... ترحم آمي وتجمعني وياها وتجعل
منزلتها الفردوس الأعلى

ياربي أنت وحدك تعلم حبي لها وكم اجتهدت لإرضائها..
فأسألك يا رحمن يا رحيم.. تكتب لي أجر البر بها حتى بعد موتها..

يا ربي يا خالقي أدعوك ودموعي على خدي سكايب أرجوك...
أن تهديني وتقربني إليك وتجعلني صالحا.. وترزقني رؤيا أمي..


......

آآآآه... يا شين الدنيا بعدك يا يمه...

أشوف الحزن في كل العيون...


يارب لا راد لقضائك.. ولا اعتراض بل نحمدك ونشكرك..
ونثني عليك..

.....

يا حظي أنك تحبيني.. يا حظي اللي فرحتك .. ياحظي بحبك لي...
ياحظي اني شفتك ولحقت عليك ..
ياحظي اني اخر كنت بنتك الوحيده..
ياحظي انك انتي آمي..

يمه ليتك تشوفين حبي لك...

يمه في حياتي ما شعرت بنفسي ضعيفه مثل ما أنا الان...


يمه... ليش تستكثرين الدقائق اللي اقضيها عندك يوم ازورك في المستشفى...
بس كانو يمنعوني مدري ليه ..
يمه
وسعتي صدري .. ووسعتي الامل ورثقتي بنفسي ..


يمه ذبحتيني بطيبك وحبك..
وانتي في قمة الألم وهذا المرض الفتاك يأكل
أحشائك..
إلا أنك تقولين يا بنتي روحي وآنا بكره بجي البيت ..


وآآآآآآآآآآآآآآآآه... يا ليت حياتي فداك ياليت المرض فيني ولا فيك يا أغلى ما املك.. وروحي ...


أحمد الله اللي شفتك ترددين الشهادتين..
أحمد الله على كل الرؤى اللي شفناها عنك
يمه ..ما تدرين كيف تألمت ..
.. ما كان ودنا ندخلك ثلاجة الموتى....
بس غصب علينا...
آآآآآآه ..
يمه.. تدرين.. اليوم الثاني جو وأخذوكي لمغسلة الموتى...ودموعي عليك غواريق...
يمه ... بكاك الصغير قبل الكبير...
تدرين الصغار يقولون ماتت امك .. يعني ما فيه اجتماعات عند امك مثل
قبل .. وخلاص ما فيه احتفالات النجاح..
ولا فيه حلاوه..

قلت الخساااااااااارة يا بنات أكبرررر...
بالحيل كبيرة...
لكن الحمد لله مؤمنين ولا حول ولا قوة إلا بالله..

......
يمه بعدها أخذوكي المسجد وصلوا عليكي .. يالغالية.. وبعدها حملناك للمقبرة...


.. يمه اروح للقبر أزورك قبرك وفجأة بكيت

لكن أتماسك نفسي ما أبي أحد يأخذ مكاني ويحرمني من آخر عمل أبرك به..
بكيت في داخلي.. ودموعي على خدي.. تذكرتك يا يمه يوم تنهريني.. وتقولين لي :
جعل يومي قبل يومك أنت

وآآآآه يا يمه .. هذا هم الحين قبروك... آآآآآخ

قلت في نفسي وانا أشوفك أخر لحظه يمكن ربي يرحمني ويأخذ روحي معك الان.. كنت ادعي ع نفسي .. لعلي أشاركك القبر...
آآآآآآه...
هذا هم دفنوك يمه دفنوك يا يمه...
..
يمه رجعو البيت والناس صيام.. والبكاء مالي المكان..
..
يمه كل ما بكيتك..
تذكرتك قبل ما تموتين بليلة .. يوم جيتك وبكيت على راسك.. وقلتي لي : يا ريم لا يصير قلبك
صعيف ورقيق.. خلك قويه وشديده.

آآآآه يا أمي .. إذا ما رق قلبي عليك .. لمن يرق... قولي ردي.. لمن يرق..
نسيت.. أنك ميته.. لكنك بإذن الله هنية في حياة أفضل من حياتنا..
...

.. عهداً علي يا أمي ..عهد علي لأمشي على وصيتك ونصيحتك..

عهداً علي لأكون شابه صالحه بحول الله .. أدعو لك دائماً...

عهداً علي يا يمـــه لأبقي هامتي عاليه.. وأحقق كل أحلامي اللي قلت لك عليها..

والله ثم والله يا يمه .. وبحول الله لأجاهد نفسي وابقى دائماً في الطليعة ...

والله يا يمه لأكون واصله لكل الناس اللي يحبونك وتحبينهم.. والله يا يمه.. لأبرك وأنتي في قبرك..

والله يا يمه لأخبر عيالي عنك.. وأوصيهم بزيارة قبرك..

يمه...... إن كان من أمنية أتمناها

فهي أن يستجيب الله لدعائي ويجمعني بك في جنات النعيم..

كرهت الدنيا... صغرت في عيني بعدك..

يمه .. أمس سافرت الديرة وخليتهم يرجعوني في نفس اليوم..

كنت ناويه أدق عليك و أخبرك.. أننا وصلنا الديرة.. بس نسيت أنك ميته.. قلت آآآه.. مين تطمنهيا عليك.. ومين تشغل قلبه عشانك غير امك ..

يمه بختم وأنا ما ودي أختم.. بس صدقيني يا يمه.. إني أحبك.. وأكرر واشكر ربي على كل حال...

واشكره ان شرفني بخدمتك واساله أن لا يحرمني رضاه علي ورضاك علي..


يمه بقولك شي ما قلته لك آخر ليلة قبل وفاتك..

تدرين انا ضميت راسك بقوة على صدري.. وفي داخلي قلت أحـــــــــــبـــك... ياليتني أموت معك..

ما حبيت انطق بالكلمات امامك عشان ما تتأثرين.. وداعاً يا كل الحياة .. وداعاً يا يمه...


يمه ذبحني البكاء عقبك.. بالحيل ذبحني... ذبحني الحزن...






يمه يا اميمتي أحبك

ومن بعدك .. والله شفيني ضعت !!
ادور بوجيه البشر حفنة حنآن..
ادور حفنة حنان ..

يارب ترحم أمي وتغفر لها ,,,