...............................


رحت لبيت أهلي وكنت خايفة أقول لأمي!!
قلت لها وهي إلا تزغرد من الفرحة.. فهمتها أن "مطلق" ما جاني

قالت لي.. أنه بعـض المرات يحط لي منوم بالعـصير لين أنام
طيرت عـيوني من العـصبيه غش*~*


دقـيت عليه عشان أهاوشه
وأول ما قلت له طار من الفرحه بغى يخش علي من السماعه.. وقعـد يضحك زي المجنون..

قعـدت أهاوشه وهو إلا يضحك ويقول: وش أسوي فيك بالله عليك تبين أشوف كل هالحلا قدامي واصبر ! !
ترى ما سويتها كثير لأني عجزت أنومك..


قعـدت أضحك..وقلت له : هالمره ما فيها منوم ..@@

جلس يضحك وهو ما هو مصدق الكلام إللي أقوله كان يحسب الأيام والليالي عشان يرجع ويشوف وحدة ثانية
ضلينا كل يوم نكلم بعـض وندور أسماء لعـيالنا
هو قال إذاولد يبيه "ياسر" وأنا إذا بنت بسميها "ليلى"

--------------------



قعدت أفكر بحياتي الجاية وبطفلي إللي ببطني..
بهذا الوقت دق جوالي إلا رقم غريب ورديت إلا صوت رجال.. و أتفاجأ إذا هو "أحمد" !!!
- هلا أحمد .. لأول مرة اسمع صوته بالتلفون
جلس يسولف معاي و يسولف عـن نفسه وأنه رجع الحين للبلد وفاتح له أكبر شركة في البلدة ! !
جلسنا نكلم بعض كل ليلة وهو يقول لي كلام حب
ضلينا لمدة شهرين نكلم بعـض


~~وفي يوم من الأيام جلس يكلمني عن زواجي وقال لازم أطلب الطلاق منه..
والولد إللي في بطني راح يعـيش معـنا ويحافظ عليه وعلي

جيت بأقول له باحتقار تبي تحافظ علي زي مطلق أو بتحبني زي حبه !!
سألته وأنا بشوف نواياه : يعـني أنت تبيني من يجي مطلق أتهاوش معه و أزعل بيت أهلي واطلب الطلاق وأتزوجك ??




>> فجأة اسمع صوت شي وراي يطيح على الأرض ! !
والتفت وراي إلا "مطلق" واقف وراي وكان يسمعـني طول المكالمة ..


سكرت التلفون و فزيت بسرعة قط الهدايا إللي معاه على الأرض وكانت عـيونه تشتعـل جمر..
طلع فوق للغرفة وسكرالباب

كنت خايفة مره وأرتجف مدري شسوي لأنه أكيد سمع كل المكالمة..
حبيت أوضح له أن كنت أكلمه بس كذا قسم بالله بدون شعـور.. بس وش أوضح ووش أقول يكفي أنه سمعـني


ضليت طول الليل وأنا سهرانه لين طلع الصبح .. كان نازل من فوق فـزيت منشفته..
جيت أبي أتكلم معه بس عجزت تلعـثمت وهو جلس ساكت ينتظرني أتكلم بس أنا عجزت مدري شقول



جلس على الكنبه إللي قدامي وقال : اسمعي يا "أمل" أنا صبرت معاكي كثير و اتحملت عشانك الكثير
وسويت لعيونك المستحيل صرت طيار عشان أرفع راسك وبنيت لك أفخم فله عشان راحتك ...
سفرتك للخارج عشان وناستك مغرقك بالفـلوس عشان ما تحسين فيه شي ناقص عليك__
بعت الناس كل أبوها و شريتك تعـرض عـلي مغريات يوميا وأصدها من أتذكرعيونك__

متزوج سنة كاملة ولا كأني متزوج سكت وقلت يمكن مع الأيام تتسنع ..بس للأسف تعـبي راح فاضي ...
كل شي أتغـاضى عنه يا " أمل " إلا أنك تخونيني __ ومع مين ?? أحمد !! أحمد عدوي!!
كل شي أتوقع تسوينه إلا أنك تخونيني __ تكرهيني ما تحبيني بس ما تخونيني
نزلت الدموع من عينه وقال : أمل .. أنتي ما حفظتي غيبتي !
وما احترمتيني

،،،،،،،،،،،،،،


بعدما جمعـت قواي تكلمت وقاطعته : مطلق أنت فاهم الموضوع غـلط

مطلق : سمعـتك و أنتي تتفقين معاه وتقولين بروح بيت أهلي وأطّلق وأتزوجك
صرخت بعالي صوتي : لا لا يا مطلق أنا ما قصدت كذا
حط يده على فمي وقال : مابي اسمع منك شي أنا فاهم وش تبين وصدقيني راح أحققه لك


رحت لبيت أهلي بسرعة وأنا مدري وش بيصير .. أختي كانت عندهم دخلت عليها وأنا أبكي وقلت لها وش صار
وفهمتها أنه ما كان أقصد يوم قلت تبيني أروح لبيت أهلي وأطلق وأتزوجك..
قسم بالله أني بعـدها بأقوله مستحيل يصير هالشي
بس بكلا الحالتين أنا غلطانه مجرد أني سمحت لنفسي أكلم رجل غريب وأنا متزوجة هذي أكبر خيانة


من بكره الصباح صار الشي إللي طول عمري ما راح أتوقعه ! !!
جانا على البيت ورقة .. تدرون وش هالورقة ??????????
>>> كانت ورقة طلاقي !!!!!! تصدقون ولالا ??
أمي قاعدة تصيح وأخوي وأبوي معـصبين
وأنا ماني مستوعبه إللي صار ! ! معـقولة بكل بساطة كذا . معـقولة يتنازل عني كذا ??
صحيح أنا غلطت حيل وما حفظت غيبة زوجي و أستاهل إللي صار لي
طلقـني بسكات وحتى ما خبر أهله ولا أهلي باللي صار ستر علي..!!



قعـدت أبكي بحرقه وألوم نفسي .. تخيلوا هذا الشي إللي طول عمري أتمناه أني أطلق من مطلق .. ولما تطلقت بغـيت أموت
"مطلق" طلع للخارج على طول
حاولت أدق عليه __ بس جولاته مقـفلة .!ا الكل مستغـرب ومندهش حتى أهله كانوا يسألوني عن السبب وأنا ساكته مدري شقول لهم !!
ضليت طول فترة حملي ماني مستوعبه طلاقي !!!

..................
لين جاء ذاك اليوم اللي جتني فيه الولادة
جبت ولد زي القمر وسميته "ياسر" زي ما كان يبيه أبوه
تفاجأت بالصباح في بوكيه ورد بغرفتي مكتوب عليه مطلق !!!

بعد طلعت من المستشفى وكان أبوه يجي كل شهر من الخارج يسلم عـليه ويعـطيه فلوس من دون ما يسأل عني!!
مضت سنة كاملة .. وجاني أبوي وقاللي فيه خطيب جايك وتفاجأت من يكون?
كان" أحمد" !!!@@
ما كنت مصدقه ! وأهلي وافقوا طوالي ... كنت فرحانه حييل ! هذاحلم حياتي!!!
هذا الشخص إللي كنت أتمناه


سوينا الفرح مستعجل وولدي خليته عند أمي __
كان الفرح بسيط وعادي
__ سافرنا من ثاني يوم للخارج كنت فرحانة وأنا جنبه لأن هذا الشخص إللي كان حب حياتي !!
كنت فرحانة وأنا أتمشى معه .. لأنه كان وسيم مره والكل يطالع بجماله__ هذا الجمال إللي كنت أحلم فيه !!

...........................


€ بس تدرون....!'?
يا الله ما تتصورون وش كثر انصدمت فيه !!!
من ثاني يوم كنا بالخارج ضل سهران برى البيت ما جاني إلا الصباح وهو سكران ..
بغيت أنجن توني عروس يجيني كذا ??
لما صحا من سكره ناقـشته وصرخت عليه وقال أنه غشوه بالمقهى
يا الله وش كثر كان إنسان تافه وحقير
ضلينا أكثر من شهرين هناك على هالحال سكر بالليل ونوم كل الصباح..
غير البنات إللي كنت أشوفه معاهم وكنت ساكته وأتحمل


وهو ما يطلعني بس حاشرني بالفندق __ ضاق صدري حيل اشتقت لهلي ولولدي "ياسر" قعـدت أبكي من الحرقة
طلعت برى الفندق بغـيّر جو ولقيت برى مجموعة من الأشخاص وكانوا يتكلمون سعودي..
وكان معاهم شاب شكله أنيق من بعـيد قربت منه بسأله شلون أرجع لديرتي?

لف علي وكانت الصدمه أنه كان " مطلق" ! ! !
يا الله تمنيت أضمه والله وأقوله رجعني يا "مطلق"
طالع فـيني وهو مستغرب : أمل !!!
بكيت طوالي من نطق بإسمي مسك يدي وخذاني للمقهى سألني : وش فيك ليش تبكين ??
مسحت دموعي وما حبيت أقول له !!
سألني عن ياسر" قال أنه توه جاء من ديرتنا كان عنده
سألني إذا كنت سعيدة ??
وجاوبته دموعي الحزينة على خدي
أعطاني رقمه وقالي إذا أبي شي أدق عليه


...........................

رحت للفندق وسويت المستحيل عشان نرجع لديرتنا .. ورجعنا أنا وأحمد وكان متضايق من رجعـتنا
جبت طوالي "ياسر" عندي وكان متضايق من وجوده معانا ..وأكثر من مره ألاقيه يضربه
حياتي كأنها جحيم ما ذقت طعم السعادة معه.. كان بخيل حيل مع أنه كان قادر
فلوسه تروح على الخمر والحريم ..الكل يشكي منه في الحارة أخلاقه فاسدة ولا يحترم أحد
ما يهتم فيني وأكثر من مره ألاقيه يكلم بنات وأنا عنده يقول هذولي صديقاتي وإذا مو عاجبك روحي بيت أهلك
ما كان ودي أروح لبيت أهلي وأصير مطلقة للمرة الثانية حاولت اسنعه بس ما قدرت كان قاسي يضربني أنا وولدي

...............................


جاء مره وقال نبي نروح للخارج ورفضت بس هو غصبني ورحت معاه بالغـصب
كان بيروح هناك عشان الخمرالمتوفر والحريم المتوفرات.. وخذاني معه عشان متى ما صحا من سكره كمل علي
تخيلوا مره دخل علي خويه وبغى يعـتدي علي لو ما الحارس موجود كان رحت ضحيته
وأول ما جاء قلت له وصرخ علي وقال أن هذا رئيسه بالعمل المفروض ما علمت عليه
قلت له يعـني ترضى أنه يجيني
قال : عادي حنا بدولة أوربية وكل شي عادي
قعدت أبكي على حالي .. وتذكرت "مطلق" وكيف كان يحافظ علي بس أنه سمعـني أكلم طلقني لأنه ما رضاها لنفسه


ضل يومين ما أدري وينه فيه ! وأخوياه يطقون الباب علي وأنا أرتجف وأبكي ومقفلة الباب وما اطلع
هنا قلت مالي إلا "مطلق" قلت يا رب أنه يكون موجود دقيت والحمد لله رد
- الو مطلق ?
- إيه أنا مطلق ! أنتي أمل ?? وقعدت أبكي وأقوله إلحقني
دقايق إلا هو يطق على باب الغرفة فتحت له وأنا أبكي تمنيت أضمه .. حكيت له كل إللي صار ... فار الدم بعروقه قال اجمعي أغراضك ويلله معي بأرجعـك
وأنا طالعه إلا أشوف" أحمد" راجع ! شافني مع " مطلق" وهو إلا يتهجم عـليه بيضربه ..