الجزء الثاني
المهم جاء ذاك اليوم إللي ألاقي فيه رسالة بجوالي من رقم "مطلق" كاتب فيها:
أوعدك يا" أمل "أني راح أتغـير وراح أسوي المستحيل عشان أرفع راسك.. وراح تشوفـيني بعينك
حبيبك المخلص: مطلق
~حبتك القراده هذاما أيس مني وش ناوي يسوي?
مضت سنه كامله و" مطلق" لا حس ولا خبر حتى جاء اليوم إللي قالوا فيه أن"مطلق" أخذ من العشرة الأوائل على المملكة ..
الكل تفاجأ وأنصدم ?
بعدها بشهور جانا خبر أنه تم قبوله بكلية الطيران
أنا هنا فـطست ضحك ما أتخيل شكله حسبتها مزحه بس طلع الكلام جد!!
بعد شهر جتني مكالمة على جوالي منه
جاني صوته حزين حيل
مطلق: اسمعي " أمل" أنا ما بي منك أي كلمة حبيت أقولك بكره بسافر للخارج بكمل دراسـتي وراح أرجع وأنا طيار أن شاء الله
كل هذا قسم بالله لعيونك يا " أمل" لعـيونك لأنك صدمتيني حيل يوم قـلتي إني فاشل!
"أمل" مستحيل أعيش بدونك تكفين انتظري رجعـتي
~~ جيت بقاطعه بقوله لو وش ما سويت ما ابيك لو رجعـت ملك مابيك. .
قالي : ما بي منك أي رد
أحبك..
سكر السماعة بوجهي
--------------------
سافر أبو الشباب للخارج وأهله يبكون على فراقه وأنا أبكي على رداة حظي..
وأنا أنتظر هالغول متى يرجع هو وطيارته ! ! !
مضت سنين وسنين وأنا أكبر وهمي يكبر__ طول هالفترة وأنا أتخيل شكله وهو راجع قلت يمكن يتغير وجهه هناك...
مضت أربع سنوات وقربت رجعـته للبلد.. أنا شديت حيلي بالدراسة عشان أنسى همي
--------------------
جاء ذاك اليوم إللي وصلت فيه طيارته للبلد ... عند عمي عشا بمناسبة تخرجه طيار والكل ينتظر"مطلق"
أنا هنا كلي آمال أني أشوف واحد ثاني قلت يمكن أشوف قدامي " براد بيت"
ولا" توم كروز" !!
بشوف كيف صار هالطيار!!
وأنا إلاأطل من الدريشه بشوف خشته يمكن تساوت هناك?
وقفت السيارة الكشخة عند باب عمي وينزل منها ذاك المسكب بشماغ
وأنا إلا يخفق قلبي .. ويلف وجهه على بيتنا
آلا هذي هي خشته ما تغيرت..لا و كبرانه بعد....!!
دخل وسلم على أمي وأهلي جتني أمي تقول"مطلق" يبي يشوفك ويسلم عليك
قلت لها : يخسي .. ما عندنا بنات ينشافون قبل الزفة !
أمي: عيب عليك هذا زوجك أمشي لا تفشلينا مع الطيار.
جت فكره في بالي ¥¥
وأنا أروح أتغطى و أدخل عليه وأمي معي وجـلسنا بالمجلس وسكرت علينا الباب أمي وراحت..
أنا خفت ورحت انخشيت ورى الكرسي يمه شفته قرب لي صرخت
وقلت: تكفى أنا مثل أختك تكفى يا "مطلق" أعتق صراحي أنت ألف بنت تتمناك
ما شاء الله مزيون(من جنبها) وكشخه وطيار..حتى بنات عمي ميتين عليك
"عاليه" و"سعاد" بس أنا قلت لهم بشاوره وأردلكم..
تكفى يا ولد عمي وش قلت ??
حط الهدايا على الأرض وعلامات الحزن على وجهه جاء بيطلع مسرع
وأنا إللي أركض وراه وأنزل تحت عند رجوله أبي أبوسهم وأتوسل له يتركني
كنت أبكي بحرقه وأنا أقول: تكفى يا ولد العم أتركني
وهو إللي يرفعـني من على الأرض والدموع تملى عيونه
ويقول بصوت خانقته العبرة : تكفين يا بنت عمي لا تبوسين رجولي..
إنتي " أمل" مكانك فوق الراس مو تحت.. لو تبين روحي أعطيك اياها بس إلا هالطلب يا " أمل"
وهو إلا يبوس على راسي و يطلع برى مسرع . .
--------------------
رحت لغرفتي وأنا أتذكر شكل "مطلق" وهو يبكي .. معـقولة كل هذا يحبني !!
بصراحة أنا صدمته حيل .. بس شسوي ما أبيه !!
صحيح هو تغير حيل والكل لاحظ صاير على قولتهم جنتل مان .. و كشخه
وكل العيال يتعـلمون منه و صاير لبق بالكلام ومثقف بزيادة والكل يضرب له حساب
بس يا ربي شسوي ما احبه حاولت أني أحبه بس ما قدرت! (يمكن لأني ما اخذه المسألةعناد من يومي صغيره!?? )
--------------------
أنا حسبت أنه بعد موقفي راح يكرهني ويتركني بس للأسف!!
بعدها جاني أتعس خبرسمعته !! جاني الخبر أنه حدد زواجنا بعد شهر! ! !
وش قصده شكله بنتقم مني @@! لا أخاف الدعوة شكلها عناد !!
قسم بالله ألف فكرة جت في بالي عشان أنحاش من واقعي بس للأسف ما قدرت وصار إللي صار
--------------------
صحيت من تفكيري على صوت أمي .. قربت مني ومسحت دموعي إللي على خدي..
أمي : نامي حبيبتي بكره وراك روحه للكوافيرة بدري أنتي عروس لازم تريحين..
~~~عروس!!?? لا والله كنكم موديني للمقبرة
حاولت أنام بس ما قدرت ودموعي ما وقفت ..
جاء الصباح ودخلوا علي أخواتي يبون نروح للكوافيرة أنا هنا كني بحلم ساكته وما أتكلم بس دموعي تنزل ..
طلعت من الكوافيرة وكنت في غاية الجمال .. كنت أطالع نفسي وأقول يا حسافـتي على خشة "مطلق"
طبعاً رفضت أسوي زفه أنا وياه عشان محد يضحك عليه و أتفشل !
** جت اللحظة الحاسمة .. زفـتي عـليه في القفص الذهبي
مدري وش فيني جتني رجافه وأم الركب وقعـدت أبكي وأصيح تكفون رجعـوني !!
أمي وأختي قعـدوا يهدوني أخوي طلع يبكي ... أبوي جاء وباس على راسي وقال: الله يوفقـك
طالعت فيه وقـلت : الله يسامحك طلع أبوي والحزن بوجهه
كنت ماسكه يدين أمي بقوه وأرجف كنت أنتظر أخوف منظر بحياتي أنتظر لحظة دخوله علي~~
دخل علي وأول ما لمحت كشرته حامت علي كبدي .. قربت من أمي وقلت: لا تتركيني له.
جاء وسلم على أمي ومدري وش قالها وطلعت
,,,,,,,,,,,,,,,,,,,,,,,,,,
أنا بغيت أنجن يوم شفتها طلعت وقعدت أصوت : وين يمه??
طالع فيني وهو يضحك وقال لي : أمك راحت خلاص أنتي لي
طالعت فيه بحقد وقلت : تنكت أنت ?? رح نادها بسرعة أبيها قعـد يضحك مرة ثانية
وقال: يا حلو العـروس المستحية ?? وأنا أتلفت يمين ويسار أدور العـروس المستحية
وأقول بدهشة : مصدق عمرك أنت .? رح ناد أمي
ما طالعت إلا قـفل الباب وهو مبتسم سحب المفتاح وقلت الحين يبلعه
وأول ما شفت الوضع كذا وأنا أتلفت بدور لي شي بضربه براسه قبل لا يقرب...
وأول ما شفته قرب وأنا أصرخ: أرجع مو باحسن لك إذا قربت!
وإللي قاهرني أنه فاطس ضحك يحسبني أمزح معه !!!
فجأة شال شماغه ونزل بشته .. قلت إذا نزل ثوبه والله لصكه بالمزهرية !!
جلس على الكنبه وهـو يطالع فيني وعـيونه تبي تاكلني !
وأنا شكلي يضحك واقفة بالزاوية وأرتجف..@@
طالع فيني وقال: تعالي طيب اجلسي هـنا والله ما راح أقرب لك..
رفضت وضليت جالسه بزاوية قال لي وهو يضحك: إلين متى وأنتي كذا ??!
ضلينا على هالحال لمدة ساعة كاملة وهو ما نزل عـينه عـني يطالعـني بنظرات كانت كلها حب !!
قام وقرب مني .. وأول ما قرب حطيت يدي على وجهي وطلعت ذاك الكلام إللي كنت شايلته لليلة الزفة
وأنا أقول: أنا ما حبك أنا ما ابيك والله خذيتك غـصبن عـلي والله بغيت أنتحر بس عشان ما أتزوجك..
ما فيه كلمة سب وهجاء ما قلتها بعـد ما تعبت وسكت..
طالعت فيه إلا هـو منزل عـيونه بالأرض .. رفع راسه وكانت نظراته مليانه حزن ..
قال: أمل ... تدرين أنك أجمل إنسانة بهالكون ??!!
قرب مني .. قلت الحين يضربني .. باس على راسي وطلع برى الغرفة
,,,,,,,,,,,,,,,,,
ما ادري حسيت أني وحش وقتها بس والله غصبن علي ما أبيه..
جو أمي وأخواتي عندي ضمتني أختي "هدى" وقالت: أن شاء الله عجبك
أشوفه حيل مستانس ويقول لأبوي وأخوي أنكم جلستو تسولفون وتضحكون !
استغربت !! بصراحة خفت أنه يعـلم أبوي بكلامي بس الحمد لله ستر علي..
.......................
ضلينا على هالحال لمدة طويلة ما نقرب لبعض .. إذا نمت بسرير نام هو على الكنبه بالصالة..
وإذا شفته نايم على السرير قبلي .. رحت ونمت بالصالة..
و أتفاجأ في الصباح إلا أنا علي السرير وهوبالصالة!
كانت الفلة إللي اسكن فيها من أجمل فلل المنطقة.. وعندي طباخه وخدامه وسواق
بيت كامل متكامل زي البيت إللي كنت أحلم فيه__ بس للأسف كان ينقصه الحب المتبادل !!
كنت أتحاشى الكلام معاه وهو حب يخليني على راحتي بس كان هو ما يسكت يسولف وينكت وقصص ما تنتهي
كنت بس اسمعه من دون ما أناقشه__ كانت سوالفه تجذبني بس أنا أبين له العكس..
نظرات عيونه كانت تضعـفني شوي.. بصراحة تصرفاته جدا رائعة على عكس ما توقعته!
كل صباح أصحا فيه من النوم ألاقي هدية على سريري منه..!
هدايا فخمة مره أبن الحلال ما قصر معي بشي ! بس قلبي هو إللي قصر!! !
--------------------
سافرنا شهر العسل للخارج "اسبانيا" من يوم أنا صغيرة كنت أحلم فيها..
ما فيه مكان ما رحنا له __ كل إللي في بالي شريته وهو يدفع وهو مبسوط.!!
كان طول الوقت ما سكني ما حب يفارق يدي لحظه وحده ! !
ضلينا شهر هناك وبعـدين رجعـنا لأرض الوطن.. الكل يمثل قدام أهله انه سعـيد وبالأخص هو !
---------
جاء ذاك اليوم الغريب !! إللي دق فيه جوال "مطلق"
كنت ماره من جنب الغرفة وأنا اسمعه يتكلم بصوت عالي و يصارخ !
و المفاجأة كان يكلم بنت ! واسمعه يقول: خلاص يا " نوال" انسيني!
@~@
أنا هنا ماني مستوعبه ! من هي المقرودة إللي تكلمه !!
حسيت عيوني حمرت معـقولة تكون غيرة ??!!!
لا لا ما أظن. .
طلع هو ،، قال لي بيروح لصاحبه ونسى جواله ''
وأجي وألاقي في جواله أكثر من خمسين مكالمة ورسائل حب وغرام وعـتب
كانت من رقم غريب على ما أظن من البنت نفسها !
جواله ما يسكت مكالمات ما حبيت أسأله لأن ما يهمني
.........................
في يوم من الأيام كنا جالسين بالصالة وكان معاه اللاب توب جالس يستخدمه..
دق جواله وقللي أنه العـمل طالبينه فورا ! !
نسى اللاب توب مفتوح وأنا أقوم واجلس عليه وألاقي إيميله مفتوح..
كان معاه بالإيميل بنات كثير @@
قريت الرسايل في الوارد كانت كلها بنات يعـتبون عليه وعلى غيبته
وألاقي رسالة من وحده اسمها "نوال" كانت رسالتها حزينة..
وكاتبه فيها: يا مطلق راح أسوي المستحيل عشان ترجعلي @@
أنا عصبت وشفتها متصلة وقتها ودخلت عليها وقلت لها أني زوجته
البنت تفاجأت وما صدقت ! طلبت رقم جوالها عـشان أشوف وش سالفتها . . وافـقت وبدون تردد
دقيت عليها.. وردت على صوت وحده مره ناعم وقالت أنها "نوال"
قلت لها وش تبين بـ "مطلق" ??
قالت لي: من زمان وأنا أتمنى أكلمك __ أنا أحب " مطلق"من يوم ما كنت أدرس بالخارج معاه
سألتها: يعـني شفتيه وتحبينه ??!
قالت: إيه وأموت بعيونه
قلت لها: متأكدة شفتيه وتحبينه ??
قالت: صوره مليانه عندي
صحيح شكله مو حلو بس والله أنه يملك شخصية رائعة وعنده صفات تميزه عن غيره
البنات إللي كانوا يدرسون معي كانوا يموتون فيه @@
قلت أنا في نفسي : سبحان الله ماحد ضايع!
قالت لي : والله أني أحسدك انك زوجته قسم بالله أنك طايحه في كنز ومنتي داريه عـنه ومنتي مقدرته !
قلت لها وش دراك أنتي??
قالت: كان يقوللي وحنا بالخارج أنه يحبك وحتى لما تزوج صرت آخذ أخباره من زميلنا "خالد"
يقول أنه يشكي له منك أنك ما تحبينه
وكأنه مو متزوج !
آمانه إذا زواجكم فاشل اطلبي الطلاق منه.. وأنا راح أحطه بعيوني!
أنا هنا مت من القهر.. وهالمرة أظن أنها "الغيرة"!!
وأنا أقعـد أسفل فيها وأحذرها أنها تبعـد عنه..
,,,,,,,,,,,,,,,,,,,
سكرت السماعة بوجهها وأنا كلي استغراب !
من هي هذي إللي تحب "مطلق" لهالدرجه ! قلت يمكن تكون شينه بعـد هي ..
ورحت أدور لها صور بالايميل وأخيرا لقيت لها........ الصدمة كانت كبيره حييل @@
لقيت صورة وحده حلوه حيل أحلى من الحلا ! كنت أحسب ما فيه وحده أجمل مني لين شفت صور " نوال"
قلت ألاقيها فرصة و أزعل بيت أهلي واطلب الطلاق
بس أكيد أبوي بيرجعـني له ,,,,,,,, قلت مالي إلا اسكت وأخليه أصلا أنا ما أحبه
رحت وفتحت إيميلي القديم و أتفاجأ و ألاقي "أحمد" متصل وهو بعـد تفاجأ فـيني لأني قطعـت معاه لما تزوجت
قعدنا نسولف مع بعض..هو للحين بالخارج وقال أنه تزوج مرتين وطلق
قال أنه ما لقي وحده يحبها وأني ما فارقت باله ولا لحظه!
سألني عن أوضاعي وقلت له أني ما ني سعيدة
قال اطلبي الطلاق من زوجك وأنا راح أجي طوالي وأتزوجك
استغربت منه.. حط الفكرة براسي .. أحمد كان حلم حياتي قلت بدوّر أقرب مشكلة و بأزعل واطلب الطلاق
--------------------
قعدت أراقب "مطلق" وأرسل السايق يلحقه لا طلع ويشوف وين يروح وين يجي
كان دايم بالعمل ولا عند خويه "خالد"ولا عند أهله ولا أهلي.. ما يتعدى هالأماكن
~~ الين جاء ذاك اليوم إللي ألاقي فيه الكارثة العـظمى@@
كان عندنا زواج.. و "مطلق" كان تعـبان وجلس بالبيت
رحت أنا للزواج وكثير حريم ما أعرفهم جو وسلموا علي وكل وحده تقول هذي زوجة الطيار...
جلست مع زوجة "خالد" خوي مطلق .. كانت تشكي من زوجها لأنه كان راعي حريم وكله يكلم بنات ..
قالت لي أنتبه لزوجي لأن زوجها دايم يسولف لها عن البنات إللي مزعجين "مطلق"
وعن وحده اسمها " نوال" بنت تاجر يقول أنها مجنونه فيه
قعـدت تنصحني أني أنتبه لزوجي وحياتي وقالت أن مطلق بايع كل الناس عشاني وأنا مو حاسة فيه!
..............
المهم مشيت من الزواج بدري دقـيت على السايق ياخذني
طول الطريق وأنا أفكر بكلام زوجة " خالد " وافكر بـ "مطلق " وحبه لي
حرام ليش أسوي فيه كذا..
شفت عند باب بيتـنا سيارة غريبة وكان فيها سايق !
دخلت طوالي للبيت وأشم ريحة عطر نسائي تعم البيت فجأة أسمع صوت بنت تبكي @@
واسمع صوت " مطلق " يصارخ عـليها
مشيت شوي شوي لين قربت من الصالة وأطل شويوأشوف بنت في غاية الجمال قاعدة تبكي
ومطلق يصرخ عليها : اطلعي من حياتي يا " نوال " عيب إللي تسوينه
أنا متزوج وأحب زوجتي..وأنتي ألف واحد يتمناك !!
إي والله هذي اللي بالصور شفتها
أنا هنا فتحت الباب بقوة ودخلت عليهم
"مطلق" طارت عيونه فيني خاف أني أفهم الموضوع غـلط البنت قاعـدة
تطالع فيني بحقد وأنا أروح وأوقف قدام زوجي
وأنا أصرخ عليها بقوة : اطلعي برى بيتي يا تافهة
قامت وطالعت فيني وقالت:أنتي ماتحبينه وش تبين فيه? قلت لها:إلا أحبه وأموت فيه
- طارت عيون "مطلق"
عيب عليك أطـلعي من حياتنا يا قليلة الأدب والتربية
قربت مني ورفعت يدها تبي تضربني @@
وهو إلا يدفها " مطلق" على الأرض.. قعدت تبكي وتصارخ وطلعت زي المجنونة!!
طالع فـيني وكان منحرج مره وقال: مشكورة حبيبتي
خليني أشرح لك الموقف
ما حبيت اسمع منه ..صعدت لغـرفتي وجمعـت أغراضي قلت بزعل لبيت أهلي
وخذيت أغراضي ورحت لبيت أهلي . !
سوى المستحيل عشان يرجعـني..كل يوم يجينا ويقعـد عندنا للصبح.. فهمتني أمي السالفة وأخوي بعد ..
بس أنا حاطه براسي زعل قعدت في بيت أهلي لمدة شهر..
كانت تجيني زوجة" خالد" تقـنعـني أرجع و كلمتـني عن مطلق وكيف أنه أنجن لما تركت البيت!
وحتى أخوي جالس يسولف لي عن مطلق وكيف إذا جاء المجلس الكل يضرب له حساب لكرمه وأخلاقه العالية
قال: أمل لا تخسرينه مستحيل تلاقين واحد مثل أخلاقه
..........................
~~ أنا بصراحة قعـدت مع نفسي كثير وفكرت كثير وأخيرا توصلت أني ما راح ألاقي واحد زيه و زي حبه لي
يكفي أني أمشي رافعة راسي أن عندي زوج الكل يحترمه
قعـدت أتذكر الأشياء إللي يسويها لي وحبه لي وصبره علي ..
قلت مالي ألا أرجع لـ " مطلق" وحدة ثانية ما يعـرفها أبي أرسم الفرحة على وجهه أبي أعطيه ربع إللي يعطيني من حب
....يا الله وشو شعـوره لما يشوفني أبادله الحب أكيد بينجن !!
خلاص كافي عناد مستحيل ألاقي مثل قلب مطلق أنا برجع له وراح أعيش حياتي معه وننسى إللي راح...
بالأول حبيت أفاجئه ! ! رحت و دقيت عـليه
رد بلهفه : هلا بحبيبتي ونور دنيتي
-مطلق أنا اشتقت لك واشتقت للبيت تعال خذني
*~*أتفاجأ حيل مطلق و كأنه مو مصدق إللي يسمعه
مطلق: أمل من قلبك هالكلام??!
- من كل قلبي يا مطلق
سكر السماعة بوجهي @@ ما هي إلا دقايق إلا هو عند الباب يطوط
قعدت أضحك يوم شفته.. دقيت عليه أبتغـلى شوي قلت له : تعال بكره خذني
اليوم ما ني مستعدة !
مطلق: وش يصبرني لبكره خلاص حبيبتي براحتك بس بكره من الفجر عندك
......................
في الصباح.. قعـدت ولبست ملابسي ورحت معاه للبيت
طول الطريق وهو مستانس و مهيص و ما فك يدي كان ماسكها طول الطريق ! !
دخلت البيت وش منظركأنه حلم بيتي كان مليان كله ورد كأنه حديقة من الداخل!
و الدباديب ماليه المكان وقلوب حب __ كان المنظر جدا رهيب
صعـدت لغرفتي ولقيت ذاك الطقم إللي قيمته 30ألف على السرير__
نزلت دموعي من عـيني ما يستاهل إللي سويته فيه__
دخل عـلي بالغرفة وكان لابس بدله جدا أنيقة وراقية ومسوي شعره على ورى ويبتسم لي أبتسامة عريضة..
بس هالمرة ابتسامته كانت حلوه مره__ و أكتشفت أنه مركب طقم أسنان من زمان مركبه بس أنا لأول مره أنتبه له
لأول مره بحياتي يعجبني "مطلق"@@
قرب مني ومسك يدي وباس عليها وباس على راسي__طبعا سمحت له
جلس يعتذر لي ويسمعـني ذاك الكلام الحلو
جاب لنا عصير وجلسنا نضحك و نسولف وأنا مستحية كأني عروس جديدة
المهم ما حسيت في نفسي إلا نايمة و صحيت بالليل إلا أنا على الفراش.. أستغربت مدري وش صار أمس
ما طالعت إلا "مطلق" داخل علي بالغرفة وهو طاير من الفرحة كأنه مسوي أنجاز عظيم !!!
........................
قمت من النوم والصداع بيكسر راسي
جاني وباس على راسي وكان لابس ملابس العـمل قال أنه بيسافر للخارج عنده دورة عمل يمكن يظل ثلاث شهور
~~ عورني قلبي للحين ما بادلته الحب إللي كنت خاشته له.. قربت يده من على فمي وبستها..
هذي أول مره أبوس شي في "مطلق" طارت عيونه من الفرحة مو مصدق إللي شافه !!
ضمني __ ما بغى يفكني وأنا مبسوطة
ودعني وراح و الابتسامة ما تفارق وجهه والدنيا مو واسعـته من الفرحة! !
لأول مره أحس بفقدانه بالبيت اشتقت له واشتقت لدلاله وحبه لي والله أحس أني أميره معاه!
كان يكلمني دايم وهو بالخارج
وأنا أتجاوب معاه وأحس أنه حيل فرحان وكنت أقوله نبي نسوي كذا وكذا إذا رجعـت
سبحان الله ما حسبت أني راح أتغير كذا! !
كنت بوقتها أفكر إذاجتنا بنت شسميها و إذا ولد بعـد شسميه ??
في يوم من الأيام صحيت الصباح وكنت مره تعبانه..
رحت للمستشفى
جتني الدكتورة وهي مبتسمة وتقوللي : مبروك أنتي حامل@@
بغيت أنجن !! كيف وأنا عمري ما نمت مع زوجي! !
طلبت منها تتأكد. . وتأكدت لي
&&&&&&&&&&&&
حبايب ألبي وش سالفة حمل أمل
وش راح يصير بحياتها وكيف راح تنقلب سعادتها
تابعوني في الجزء الأخير
مع حبي ghlaa
( اعتذر عن عدم التنسيق لاني بعد ما انتهيت منه طفى علي الجهاز )
|