منتديات حساس - عرض مشاركة واحدة - ومن جرحني بـكـلمــة ردّيت ~ لـه بإبتسآمـة ’’

11-30-2011, 07:06 AM

رحمــاك يا ربي و رحمــاك رحمــاك ..//..//..//.. رحمــاك انا طالبْـك يا ذا الجلالي

ترحم ضعيف ٍ راح بلحاله اهنـــــاك ..//..//..//.. عقب الوساع بضيق تحت الرمالي

جدي ابو نايف راح وتـركنــاه ويـــاك ..//..//..//.. وحيد ، لا من مال لا من اعيـــالي

يا رب تكـفى ثبّـته يــــوم يلــقـاك ..//..//..//.. يسـّـر سؤاله في عسيــر المــسالي

يا رب فـكـّـه من لظى وانت فـكـّـاك ..//..//..//.. يا رب جيــره من خبيث المــآلي

يا رب تكفى رحمتك فيــه وارضــاك ..//..//..//.. وانت الكريم ، ورحمتك لا تزالي

يا رب تكفى بطـلبك شي وابغــــاك ..//..//..//.. اتوصـّـل لـــجدي هواجيــس بالي

ياجدي يا روح روحي انا ابكي دمّ من هول فرقاك ..//..//..//.. وللحيـن عيني باكيه بانهمـالي

يــا جدي لو تدري انــا وش بـَـليــّــاك ..//..//..//.. كان انت ترثيــني اذا شفت حـالي

يــا جدي كيف انساك وشلون ابنسـاك ..//..//..//.. وانا عن النسيــان يــا جدي سالي

هذاك بشتك ذي عصاتك و مركــــاك ..//..//..//.. هذا سريرك قد له ايــام خــالي

هذيك قــاع ٍ كانــت اتحـــس مــاطاك ..//..//..//.. هذاك ديــوانك وذيك الدلالي

هذاك علم ٍ فيــك يحكـي سجــــاياك ..//..//..//.. يضرب دروس المرجله للرجــالي

هذاك ذاك وذاك مـــع ذاك مـــع ذاك ..//..//..//.. كل ٍ لقيـتك فيــه واعـزّتـــــالي

اذكر وقــارك نبرتك رنــّــة اخطــاك ..//..//..//.. اذكر قصيدك لا سمرت الليــالي

واللــه ما ابكي ميت لو بــه حلايـــاك ..//..//..//.. واللـــه ما ادمع .. ايه .. والمع غـالي

واذا بكيت ابكي من ادمــوع ذكــــراك ..//.//..//.. لامن ذكرت اللي طرى بالخوالي

محسود يا جدي ولو مت ، بعـــلاك ..//..//..//.. لله درك صرت ضــرب المـــثالي

ميـّـت ، وما ماتت مـقاديــم يمنــاك ..//..//..//.. تحت الثرى ، واسمك مع النـاس عـالي

اللـه يرحم ضعــفك ويعتق اعضـــاك ..//..//..//.. وهو الوحيـــد اللي عليــه اتكــالي

اللـه يغفـر لك ، ويدمــح خطـــاياك ..//..//..//.. اللـه يقبل دعوتي وابتهــــالي

يا رب تكــفى رحمتك فيـه وارضاك ..//..//..//.. يا رب انــا طالبـْـك يا ذا الجلالي

اشتقتلك يا جدي الله يغمد روحك الجنه

اششششششششتقتلك حيييل... ليت روحي قبل روحك

اول اذا ضاقت الدنيا علي جيتك ورميت نفسي بحضنك واليوم بدونك يتيمه غمد الله روحكــ الجنه ....