منتديات حساس - عرض مشاركة واحدة

05-07-2011, 07:09 AM

وجيت مره ثااانيه انقز وافور
كثير من الاحيان نتورط بشغلات كثيره مره تكون تمام ومره تكون عكس يعني يوم نسوي اخطاء ومانتحاسب عليها
او ما نلقى احد ينصحنى عنها بكذا المشكله راح تتفاقم والحلول تضيع
صغر السن في بعض الاحيان مشكله وخاصة اذا كانت تجاربنا في الحياه قليله
انا بصراحه سريع التهور في كثير من الامور الا انني احب استشير واشاور
وقد تعلمت من الاكبر مني بالسن اشياء كثيره عقلانيه اكثر يمكن لاني استعجالي ومتهور لكن احمد ربي ان في اكبر مني
اخوان ينصحوني انا شخص جنوني المواتر( سيارات ) احب شغلات التقطيب ولكن بغباء
اهدرت اموالي وضيعت كثير من الامور بتصرفاتي صح سني صغير__>قولوا ماشاء الله
ودايم اخذها عذر لنفسي عشان اقدر ابرر اخطائي مره
المهم اخطيت مره واكلت توبيخ لليل الطويل والمسأله تخص سيارتي المحترمه بالغت كثير في تضبيطها لدرجة اني خسرت الالاف الريالات وبالمقابل هاتكم يامخالفات بقدر اللي صرفته على السياره
بصراحه اخوي الكبير زعل علي بعد ماتعب وهو ينصحني مره ومرتين وثلاث وعشرة والف كنت اسمع بس اقول ابشر
ومايكون خاطرك الاطيب ومره كفشني المرور وصادر السياره بحكم انها مخالفه للنظام وطبعا اخوي الله يطول بعمره طلعها من الحجز وفرحت بس الفرح ماطول الا وقالي اخر مره واعتبرها المره الاخيره
واخذ ينصحني وانا وربي ما اقدر اكسر كلامه وقالي بدل ما تجمع حق زواجك وتشوف مستقبلك وتوبييييييخ طويل عريض
اخذ ينصحني ويدلني على الطريق الصحيح والتبذير اللي قاعد يصير فطرح علي فكرة
توظيف المال بشي ينفعني وبنفس الوقت يشبع جنوني بالسيارات فاقترح علي اطلع سجل تجاري يخص زينة السيارات
وما يخصها من الالف الى الياء ---> مودعايه
وبالفعل شاركت احد اصحابي وبدينا من الصفر وشغالين وما علينا امورنا صارت طيبه :smile:
بجانب وظيفتي الحكوميه زميلي مشرف على المحل بالفترات الصباحيه وانا بالمساء
اللي ابي اوصله لكم ان فرصه لكل انسان انه يتقبل النصيحه من الاكبر في السن والحياه فرص بس كيف نستغلها
ومن بعد قفطة المرور لي وحجز سياراتي للمره الاولى كانت هي نقطة البدايه من بعد نصيحة اخوي الغالي
هذا مجمل تغيري بالاضافه لدخولي ومشاركتي وملىء الفراغ بما ينفعني ويقوي مشاركاتي الاجتماعيه بالنت
وامور وشغلات كثيره قدرت اوصل لحل للتهور وعدم الامبالاه
هذا ياطويلين العمر نقطة تحولي ولازلت بفضل من ربي ودعاء والدتي الغاليه لي ولاخواني طبعا
اشكرك برووق المزوون على الموضوع وانك خليتني اشارك المهم اني فضفضت وطلعت اللي بخاطري عشان الكل يستفيد طولت وزووووود
يالله يااستاذ المره ذي باشعل ؟؟؟؟؟؟؟؟؟؟؟؟؟؟؟؟؟؟؟؟ الشيشه ياأم أيــــــــــــمن فين الشيشه