[ALIGN=CENTER][TABLE1="width:95%;background-image:url('http://www.wfeet.com/up//uploads/images/wfeet-comef1639cb8a.png');"][CELL="filter:;"][ALIGN=center]
يا صوتك الناحل
في ضجت ظنوني انت الزهر ذابل
في قلبي و عيوني ..
صدقني ما يفيد العتاب
و صدقني ما يكفي الندم .
تبغاني احبك للعذاب
والا احبك للالم ..
انا حتى مدري وش تقول ؟
عالي السكوت , ما اسمعـك ..
في صُوتك الماضي يمُر
في صوتك تمرّ أُغنيات
صُوتك سحابة تنهمِر
صُوتك : مِساحة للحياة
[ أحيان أضيق مِ العُمر , و أحيان أرحب مِ الجهات ! ]
مِن صوتها .. ذاك المسآء ..
أجمل تراتيل الكلآم ..
في مسمعي .. عيا ينآم
صوت .. يداعب خآفقي ..
غآب و تركني .. بحيرتي
وكني أنا بحلمٍ مخيف ..
ودي أقووم ..
وأسمع تراتيل المغيب ..
يآ حلم .. " مآ ودك تغيب " ؟!
بس دقيقه وقفي !!
ودي أجبّر شي في صوتي تكّسر
مثل : موال الأغاني
مثل :إنسان مايملك بالحياه إلا الأماني
ولا تتحقق ..
وقفي ..!
مادريتي أو دريتي مومهم هذا السؤال
أدري
صوتي ماتحبينه
و أدري لو طلبت الحُب منك
أدري هذا الشي مُحال
الوصل لو هو تلاشى
عن عيونك من عيوني
أنطفي ..
مسا الخير
يا صوت طرد سرب الظلام
و راق مزاجي ..
لين بعَّدني حنيني عن غياباتِه
مساء الخير
يا جذع حكى لطفلاتِه الأوراق
خفايا أربع فصول تمرَّد جوَّها بذاتِه
صوتك المورق أماني
من صداه :
شــكّل الغيم و قهر عـجاجته
عوّدي ..
ملّ الندا ملّ الحياه
كم ندّه حصة سنين و ما جتْه ؟
سألتيني :
تظن ان الحياة ان حاولت : تقدرك تنسيك او تنـّسيني ؟!
سألتيني :
وانا ماقلت لك اي شي
تبسمت
ولمست ايدك كثر ماكنت ابي ارجع معاها
واقدر آعيدك
ازيدك من دفاي
واحتميت بكل ما اقدر بصوت غناي
يا اجمل من عرف معناي
يا صوت الناي
يا ضحكة زماني
ياسبب ماخفتي انه جاي
بصوت شتاك وبرد شتاي
ويا فوضاي ...
صوتك يناديني .. يناديني تِذكَّر
تِذكَّر الحلم الصَّغير ..
وجدار مِن طين وحصير ..
وقمرا ورا الَّليل الضَّرير .. عِند الغدير
وإن هبَّت النِسمه .. تِكسَّر
تِذكَّر ..
جيتي مِن النَّسيان .. ومِن كلَّ الزَّمان
الَّلي مضى .. والَّلي تغيَّر
صوتك يناديني .. يناديني تِذكَّر
[/ALIGN][/CELL][/TABLE1][/ALIGN]