بسم الله الرحمن الرحيم


ياعين ردي دمعتك لا تهلين


دمع الفراق الي يثير الشجوني


خلي المحاجر دامهم مستريحين


من طاري الفرقى وخيبه ظنوني


سريت ليل البارحه مدري لوين


واثر الخطاوي يم داره خذوني


ذاك الذي ابعدت لجله قريبين


وارخصت لـعيونه قلوبن شروني


الي عليه القلب مقسوم نصفين


من غيبته نومي مجافي عيوني


وقفت عند الباب يمكن انه يبين


واخاف من جيرانهم يشرهوني


سالت جدرانه وش العلم تكفين


وكن الجدران الجحر جاوبوني


تقول ما اظنه بيذكرك للحين


بعد السنين الى مضت من تكوني


ثم قلت: لو انه نسى ناس غالين


ما ظنه بعهد المحبه يخوني


قالت: لو ان الوقت ضم المحبين


لابد مع مر الزمن يبعدوني


حبيت بان الكون ضيق به البين


واقدام رجلي بعدها ما احملوني


لو ينتثر دمي بطعن السكاكين


اتهون لاكن غيبته ماتهوني


لا قلت بانسى عشرته والعناوين


نبضات قلبي يم ذكرهـ حدوني


مشتاق اشوفه واعتذر لـالعذابين


مدام قربه لاحصل يتركوني


لاكنه ابطى والشهور صارت اسنين


وحمل الفراق ان زاد تعجز متوني


واللي بقى في مقبل العمر بيتين


باقولها دامي بـاعيش مغبوني


((ياعين هلي دمعه الغبن ياعين000من طاري الفرقى وخيبه ظنوني))

((حبه بقلبي ماتغير له اسنين 000ولوكان عادي ما ادمعت له عيوني))