~~ حــــارت حـــروفي ~~

حارت حروفي لاتقولوا جفيت
مجبورألمّح بالحكي ما أقول

وإن قلت ، خوفي يدروا إني حكيت
ويزيد جرحي لايمي والعذول

نار بجوفي ولعت ماشكيت
وداريت جمري عن عيون الفضول

وأقفيت لكن ذاكرٍ مانسيت
صحرائي ماتنسى غرام الفصول

هذه القصيدة تختصر الف بيت
والحال واضح والسوالف تطول

ناظر مكاني ، شفت وين انتهيت.
فى راس مرقاب السهر والذهول

تبي الصراحه والله اني شكيت
ولاني على بوح الخواطر عجول

وان شلت همي شلت همك وجيت
اصيح عونك ما أنت ناقص ذبول.

شعر (غيوض )

سُبْحَانَكَ اللَّهُمَّ وَبِحَمْدِكَ ،
أَشْهَدُ أَنْ لا إِلَهَ إِلا أَنْتَ ،
أَسْتَغْفِرُكَ وَأَتُوبُ إِلَيْكَ