بسم الله الرحمن الرحيم

صبآح /مساء العطور والورد المنثور ..

لآجديد آبدآع يتجلى في قصيدهـ لشآعر آبدع في وصف موقفه بآتقان
آبدع من خلال صيآغة الكلمات وآمتع من خلال آحساس المعآني لقد
آبدع فآمتع .. لله درها من قصيدهـ رائعه لشاعرِ لآعرفه ؟!!
.
.

آترككم مع هذه الرآئعه :


توقعت البكى: دمع ٍ يغطـي عورته منديل
........... وأثاري لمسة المنديل تنقص من علو شانه

تأملت المسار اللي بدت فيه الدموع تسيل
........... إلين إن زلزلت حصن الجفن من ركل بيبانه

دريت إن الحزن قام يتنكر فـي عباة الليل
........... على هيئة عجوز ٍ من بنات الفكر ..غيرانه

تريد من الحشى : بيت المواجع والقهر والويل
........... ولاتملك سوى ترديد جملة (( راحت فلانـة ))

وأنا ماكان لي حيلة ولا لي بالخفى تأويل
........... مغير اغير الموضوع وأستفسر عن إمكانه

تقول إن الغرض ترتيب حفل ٍ صاخب ٍ بالحيل
........... على ذكرى وفاة القلب فجأة فـي يد إنسانة

أنا ادري يالعجوز إن الجنازة إطلبت تأجيل
........... عساها تلتقي خطـوات بنت ٍ جِد شفقانـه

لقتني عاشق ٍ كان إيتمنى للحشـى قنديل
........... وراحت... خلفت طفل ٍ يصارع ظلمة أحزانه

تسمت قسوة الهجران فيها (( معتقل تكبيل ))
........... تجور ولا نطق عـرق ٍ بجسمـي قصة لسانه

تقول إن السهم بالمسرحية لاطعن .... تمثيل
........... وهي تمسح بـلاط الصدر من قطرات آدمانه

الا يابنت وش جابك على درب الخطا والميل
........... اكيد إن العجوز اللي ((بنتني )) أهدتك خانه

اجل وش جاب منديل الطهارة ساعة التنكيل
........... لرجل ٍ ماعرف معنى السعادة وسـط خلانـه

يحسب إن البكى : دمع ٍ يغطي عورته منديـل
........... وأثاريه السكون اللي يردد ((( راحت فلانة ))

الييييييييمهـ