08-09-2010, 04:05 PM
|
|
|
كسر الجروح ولاكسر من نحبه
أنا الكسير اللي من الكـسرماطـاب
كسر الجروح ولاكسـر مـن نحبـه
اسباب من حبه غرابيل واعتـــاب
والقلــب عيا لايجــــوز ويكــــــبه
ولعني بحبه وانا شخـص ماهـاب
وخلاني أسبح وسط بحرٍ بغــــبه
يزعل ويرضا مايوضح للاسباب
ويصير قلبي كـن ريحٍ تهــــــــبه
فرشت له صدري رياحين واطياب
وأهديت لـه من كــــل وردٍ يحــــبه
له منزلٍ مابين رمشي والاهــداب
ماغيره أحـــدٍ ينــزله او يطـــــبه
لو قالوا أنه غاب أقــول ماغـــاب
تراه في داخـل ضــلوعي مخبـــه
غلاه عندي غير عن كل الاحــباب
واخشى عــــليه مـن الملا لايســبه
سلمت له مفتاح قلبي والاعصــاب
لعب على اعصـابي وقلبي لعــــبه
تكفون يااللي تلتقونه على البــاب
قولوا ترى عنـدك علاجه وطــبه
قصيدة للوالد الله يحفظه لي
|