كل ماغنى ابو نوره الأماكن
ضاق بخاطري واسع الكون

ادور باتساعه شي يسعدني ولكن
من غابت الحلوه مابقى
للحلو من دنيتي لون

وﭐنا اقلب بالريموت
وقفت لحظه
اسمع للمهندس والله وحشني موت
زاد بي شوقي وزاد بي لهفه
وخفت من زايد اشواقي اموت

قلت يالحل خذلك قلم
واضغطmute
وبديت اكتب:


لوقلت لك:
ودي لي ترجعي
وخايف عليك؟
أكيد وقتها راح تتعجبي!
ويمكن تقولي:
مالت عليك؟

اسمحيلي ابين لك اسبابي
يمكن بها تقنعي
بس اسمعيني
والمعذره تحملي باطول عليك!


لك في داخلي اشواق
اخاف لو بينت لك
منها تفزعي
اشواق كل السنين
في داخلي تعاندني اليك
من زودها
تخيلي
ضج بي مضجعي
كل لحظه
تترجاني تبيك
هايله
اشواقي
هايله
كل من حولي أكدتله
ان حالي حال مصرقعي
وأنا عاقل
ماعدت ادري
كيف انا عاقل
ومن قربي اعفيك؟

من كثر شوقي حالي
لشوفك توجعي
وياكيف تبيني ارضا
معقوله ارضا الوجع ليك!!

من الاخير
انتي الفراشه
وانا (من شوقي )لك نور مولعي
باطفيني
بديني
لأجل ما أحرقك بناري
احرقك
لا
والله
ما ارضا عليك

هذي بعض اسباب خوفي
ليتك لها تفهمي
ولو غلطت بحقك سامحيني
ماتحمل غلطاتي عليك
(وسلامتكم)
للتوضيح (مصرقعي)=مجنون